Gujarati News

Gujarati News

News of Monday, 16th December 2019

કાલે કારોબારી અધ્યક્ષના રાજકીય ભાવિનો ફેંસલો

રાજીનામું ન આવે તો અવિશ્વાસ દરખાસ્ત પસારઃ પાદરિયા

રાજકોટ, તા., ૧૬: જિલ્લા પંચાયતના  કારોબારી અધ્યક્ષ રેખાબેન જીજ્ઞેશ પટોળીયા સામે સમીતીના ૯ પૈકી ૬ સભ્યોએ મુકેલ દરખાસ્ત અંતર્ગત બળાબળના પારખા માટે આવતીકાલે મંગળવારે બપોરે ૧ર વાગ્યે બેઠક મળનાર છે. તે પુર્વે તેઓ રાજીનામુ આપે અથવા સમાધાનના વિશેષ પ્રયત્નો કરે તેવી શકયતા નકારાતી નથી. કોઇ અણધાર્યો વળાંક ન આવે તો આવતીકાલે કારોબારી અધ્યક્ષ સામે અવિશ્વાસ દરખાસ્ત પસાર થઇ જશે. દરખાસ્ત પસાર થઇ જાય તો નવા અધ્યક્ષની વરણી માટે ડીડીઓએ ટુંક સમયમાં સમીતીની બેઠક બોલાવવાની રહેશે. સાથીદારો રાજીનામુ આપવા માટે સમજાવી રહયા છે. કાલે એક-બે સભ્યો ગેરહાજર રહે તેવી પણ સંભાવના છે. નવા અધ્યક્ષ તરીકે કે.પી.પાદરીયા અને ભાનુબેન તળપદાનું નામ સંભળાઇ રહયું છે.  કુંવરજીભાઇ જુથના ૩ સભ્યોનું કાલનું વલણ નિર્ણાયક બનશે.

અવિશ્વાસ દરખાસ્ત મુકનાર કે.પી.પાદરીયાએ આજે જણાવેલ કે દરખાસ્તમાં સહી કરનાર અમે ૬ સભ્યો અકબંધ છીએ. અન્ય બે સભ્યો પણ સાથે રહે તેવી આશા છે. ૯માં સભ્ય તરીકે અધ્યક્ષ પોતે છે. જો તેઓ કાલની બેઠક શરૂ થાય ત્યાં સુધીમાં રાજીનામુ નહી આપે તો આવતીકાલે અવિશ્વાસ દરખાસ્ત પસાર થઇ જવાનું નિશ્ચિત છે. સમાધાનની કોઇ શકયતા નથી.

(3:26 pm IST)
  • અમદાવાદમાં મેટ્રો રેલના સળીયાની ચોરી કરતો એક યુવાન ઝડપાયો : બીજો ફરાર : મેટ્રો રેલની સાઇટ પર ફરી એક વખત ચોરીનો બનાવ બન્યો : સુપરવાઇઝર મનોજસિંઘ સ્ટાફ સાથે નાઇટ પેટ્રોલિંગમાં હતાં તે દરમિયાન પાલડી જલારામ મંદિર સામે એક યુવાન ચોરી કરતા ઝડપાયો access_time 12:28 am IST

  • આપણે સાવરકરના સ્વપ્નનું નહીં,પરંતુ ભગતસિંહ અને આંબેડકરના સ્વપ્નનું ભારત બનાવવું જોઈએ : નાગરિકતા કાયદા પર જેએનયુ છાત્ર સંઘના પૂર્વ અધ્યક્ષ કન્હૈયાકુમારે એનઆરસીના પરિણામથી સતર્ક રહેવા અપીલ કરતા કહ્યું કે આ હિન્દૂ-મુસ્લિમનો મામલો નથી પણ આ બંધારણથી જોડાયેલ મુદ્દો છે : સવિધાનને દુષિત થતા બચાવવાનો મામલો છે access_time 12:57 am IST

  • અયોધ્યામાં 4 માસમાં ગગનચુંબી રામ મંદિરના નિર્માણનું કાર્ય શરૂ થઇ જશે : ઝારખંડ ચૂંટણી સભામાં ગૃહમંત્રી અમિત શાહનો કોલ : ભારતીયોની એકસો વર્ષ જૂની માંગણી સંતોષાઈ જશે access_time 6:50 pm IST