Gujarati News

Gujarati News

News of Monday, 16th December 2019

પગ લપસતાં એસિડનો કેરબો ઢોળાયોઃ સંદિપ પ્રજાપતિ અને તેના કાકા બિપીનભાઇ દાઝયા

ભગવતીપરામાં બનાવઃ બંનેને સિવિલ હોસ્પિટલમાં સારવાર લેવી પડી

રાજકોટ તા. ૧૬: ભગવતીપરામાં પોલીસ ચોકી સામેના ભાગે રહેતાં પ્રજાપતિ સંદિપ અનિલભાઇ ટાંક (ઉ.વ.૨૭) અને તેના કાકા બિપીનભાઇ રામજીભાઇ ટાંક (ઉ.વ.૫૦) એસિડથી દાઝી જતાં બંનેને સારવાર માટે સિવિલ હોસ્પિટલમાં દાખલ કરવામાં આવતાં હોસ્પિટલ ચોકીના સ્ટાફે બી-ડિવીઝનમાં જાણ કરી હતી.

સંદિપ અને તેના કાકા ઘરમાં જ ઇમિટેશનનું કામ કરે છે. આ કામ માટે ઘરમાં એસિડ રાખવામાં આવે છે. સંદિપ રૂમમાં ચાલીને જતો હતો ત્યારે પગ લપસતાં તે એસિડ ભરેલા કેરબા પર પડતાં કેરબો ઢોળાતાં તે વાંસાના ભાગે એસિડ ઉડતાં દાઝી ગયો હતો. એ વખતે તેના કાકા બિપીનભાઇ મોબાઇલ ફોન લેવા ઉભા થયા હોઇ તે પણ લપસી જતાં તેને પણ છાંટા ઉડતાં તે પણ દાઝી ગયા હતાં. સારવાર બાદ બંનેને રજા અપાઇ હતી. બી-ડિવીઝન પોલીસે નિવેદન નોંધવા તજવીજ કરી હતી.

(11:36 am IST)
  • અમદાવાદમાં મેટ્રો રેલના સળીયાની ચોરી કરતો એક યુવાન ઝડપાયો : બીજો ફરાર : મેટ્રો રેલની સાઇટ પર ફરી એક વખત ચોરીનો બનાવ બન્યો : સુપરવાઇઝર મનોજસિંઘ સ્ટાફ સાથે નાઇટ પેટ્રોલિંગમાં હતાં તે દરમિયાન પાલડી જલારામ મંદિર સામે એક યુવાન ચોરી કરતા ઝડપાયો access_time 12:28 am IST

  • દેશના ઉત્તર પૂર્વના રાજ્યોની મુલાકાત લેવાની અમિત શાહમાં હિંમત નથી : બાંગ્લાદેશના વિદેશ મંત્રી અને જાપાનના પ્રધાન મંત્રીની મુલાકાત પણ રદ કરવી પડી : દેખાવકારો ઉપર હિંસા આચરી માનવ અધિકારોનો ખુલ્લેઆમ ભંગ થઇ રહ્યો છે : નાગરિકતા સંશોધન બિલ મુદ્દે સોનિયા ગાંધીનો પ્રકોપ access_time 8:17 pm IST

  • જમીન સંપાદન મામલે ખેડૂતોએ સુપ્રિમમાં અરજી કરીઃ ૨૫૦૦ ખેડૂતોએ નથી કર્યો જમીન સંપાદનનો સ્વીકાર : બુલેટ ટ્રેન માટે જમીન સંપાદનનો મામલો : સરકાર સામે ખેડૂતો લડત આપી રહયા છેઃ આગામી દિવસોમાં સુપ્રિમમાં સુનાવણી થશેઃ હાઇકોર્ટેએ સરકારની તરફી ચુકાદો આપ્યો છે access_time 3:54 pm IST