Gujarati News

Gujarati News

News of Monday, 16th December 2019

માતા-પિતા વચ્ચે ઝઘડો થતાં વેલનાથપરાની ૧૭ વર્ષની રિધ્ધીકાએ એસિડ પી જિંદગી ટૂકાવી લીધી

બે ભાઇની એકની એક બહેન હતીઃ લાડકવાયી દિકરીના મોતથી કોળી પરિવારમાં ગમગીની

રાજકોટ તા. ૧૬: કોઠારીયા રણુજા મંદિર પાસે વેલનાથપરા-૨માં રહેતી રિધ્ધીકા અજયભાઇ ધોળકીયા (ઉ.વ.૧૭) નામની કોળી સગીરાએ એસિડ પી આપઘાત કરી લેતાં કોળી પરિવારમાં ગમગીની છવાઇ ગઇ છે. માતા-પિતા વચ્ચે ઝઘડો થતો હોઇ તે જોઇ ન શકતાં તેણીએ આ પગલુ ભરી લીધાનું બહાર આવ્યું છે.

રિધ્ધીકાએ રવિવારે સવારે સાડા નવેક વાગ્યે એસિડ પી લેતાં સારવાર માટે જે. કે. હોસ્પિટલમાં દાખલ કરવામાં આવી હતી. જ્યાં આજે વહેલી સવારે તેણીનું મોત નિપજતાં હોસ્પિટલના રૂપેશભાઇએ આજીડેમ પોલીસને જાણ કરતાં પીએસઆઇઆર. બી. વાઘેલાએ જરૂરી કાર્યવાહી કરી હતી. આપઘાત કરનાર રિધ્ધીકા બે ભાઇની એકની એક બહેન અને પરિવારની લાડકી દિકરી હતી. તેના પિતા અજયભાઇ ધીરૂભાઇ ધોળકીયા રિક્ષા હંકારી ગુજરાન ચલાવે છે. પરિવારજનોએ કહ્યું હતું કે અજયભાઇ અને તેના પત્નિ મુકતાબેન વચ્ચે નજીવી વાતે ચડભડ થતી હોઇ તે કારણે દિકરી રિધ્ધીકાને માઠુ લાગી જતાં તે એસિડ પી ગઇ હતી. પોલીસે વિશેષ તપાસ હાથ ધરી છે.

ઘરમાં કલેશ થતાં શાહબાઝખાને માંકડ મારવાની દવા પીધી

જામનગર રોડ સ્લમ કવાર્ટરમાં રહેતાં અને મેડિકલ સ્ટોરમાં કામ કરતાં શાહબાઝખાન દિલાવરખાન પઠાણ (ઉ.૨૧)એ ઘરમાં કલેશ થતાં માંકડ મારવાની દવા પી લેતાં સિવિલ હોસ્પિટલમાં દાખલ કરવામાં આવતાં હોસ્પિટલ ચોકીના સ્ટાફે પ્ર.નગર પોલીસ સ્ટેશનમાં જાણ કરી હતી.

(11:35 am IST)
  • જમીન સંપાદન મામલે ખેડૂતોએ સુપ્રિમમાં અરજી કરીઃ ૨૫૦૦ ખેડૂતોએ નથી કર્યો જમીન સંપાદનનો સ્વીકાર : બુલેટ ટ્રેન માટે જમીન સંપાદનનો મામલો : સરકાર સામે ખેડૂતો લડત આપી રહયા છેઃ આગામી દિવસોમાં સુપ્રિમમાં સુનાવણી થશેઃ હાઇકોર્ટેએ સરકારની તરફી ચુકાદો આપ્યો છે access_time 3:54 pm IST

  • મિસ વર્લ્ડનો તાજ જમૈકાની 23 વર્ષીય યુવતિ ટોની એન.સિંહના શિરે : ભારતની સુંદરી સુમન રાવ ત્રીજા ક્રમે : લંડનમાં યોજાઈ ગયેલી સૌંદર્ય સ્પર્ધા access_time 8:17 pm IST

  • અયોધ્યામાં 4 માસમાં ગગનચુંબી રામ મંદિરના નિર્માણનું કાર્ય શરૂ થઇ જશે : ઝારખંડ ચૂંટણી સભામાં ગૃહમંત્રી અમિત શાહનો કોલ : ભારતીયોની એકસો વર્ષ જૂની માંગણી સંતોષાઈ જશે access_time 6:50 pm IST