Gujarati News

Gujarati News

News of Friday, 16th November 2018

અરીહંત ડીસ્ટ્રીબ્યુટર્સની લેણી રકમ સંબંધે થયેલ દાવાને મંજુર કરતી કોર્ટ

રાજકોટ તા. ૧૬: અત્રે અરીહંત ડીસ્ટ્રીબ્યુટર્સનો રૂ. ૩,૦૭,પપ૩/-ની લેણી રકમ સંબંધેનો દાવો કોર્ટમાં ચાલી જતાં ખર્ચ સહીત કોર્ટે મંજુર કર્યો હતો.

આ કેસની ટુંકમાં હકીકત એવી છે કે, રાજકોટના વેપારી કે જે અરીહંત ડીસ્ટ્રીબ્યુટર્સના નામે નવાગામ, રાજકોટ ખાતે વોકહાર્ટ કંપનીની જેનરીક તથા અન્ય દવાઓને લગતો વ્યવસાય કરે છે. આ કામના પ્રતિવાદી કે જે શીંહોર મુકામે અંબિકા મેડીકલ એજન્સીના નામે દવાને લગતો વ્યવસાય કરે છે. આ કામના પ્રતિવાદીએ વાદી પાસેથી અવાર-નવાર અલગ અલગ પ્રકારની દવાઓની ખરીદી કરેલ છે. ત્યારબાદ આ કામના વાદી અરીહંત ડીસ્ટ્રીબ્યુટર્સએ તેમની કાયદેસરની લેણી રકમની માંગણી કરતા આ કામના પ્રતિવાદી વાદીની કાયદેસરની લેણી રકમ ચુકવતા ન હોવાથી દાવાનું કારણ ઉત્પન્ન થતા દાવો કરેલ છે.

ત્યારબાદ રાજકોટના એડીશ્નલ સ્મોલ કોઝ કોર્ટ જજ એ મુદાઓ ઘડી વાદીએ પુરાવાઓ રજુ કરી દીધેલ અને આ કામના પ્રતિવાદી કોર્ટ સમક્ષ પોતાનો પુરાવો રજુ રાખવામાં નિષ્ફળ ગયેલ. ત્યારબાદ આ કામના વાદી ધારાશાસ્ત્રી સંદીપ જોષી વકીલ સાંભળેલા તથા કોર્ટે તેમના હુકમમાં એ હકીકત માનેલ છે કે વાદી પ્રતિવાદી પાસેથી રૂ. ૩,૦૭,પપ૩/- અંકે રૂપિયા ત્રણ લાખ સાત હજાર પાંચસો ત્રેપન પુરા મેળવવા હકકદાર છે અને સદરહું રકમ પર વાર્ષિક ૭% વ્યાજ મેળવવા પણ હકકદાર છે અને તે મુજબનો હુકમ પણ ફરમાવેલ છે આ કામના પ્રતિવાદી અંબિકા મેડીકલ એજન્સીના પ્રોપરાઇટર ઇલેશભાઇ પ્રભુદાસભાઇ નીમાવત એ રૂ. ૩,૦૭,પપ૩/- અંકે રૂપિયા ત્રણ લાખ સાત હજાર પાંચસો ત્રેપન પુરા અરીહંત ડીસ્ટ્રીબ્યુટર્સને ચુકવી આપવા તથા તેના પર વાર્ષિક ૭% લેખે દાવા અરજી તારીખથી વ્યાજ પણ ચુકવી આપવું અને વાદીને દાવામાં થયેલ ખર્ચ પણ આ કામના પ્રતિવાદીએ ભોગવવો તેવો હુકમ કોર્ટે પ્રતિવાદી અંબિકા મેડીકલ એજન્સી વિરૂધ્ધ અને વાદી અરીહંત ડીસ્ટ્રીબ્યુટર્સની તરફેણમાં કરેલો હતો.

આ કામમાં વાદી અરીહંત ડીસ્ટ્રીબ્યુટર્સ તરફે રાજકોટના ધારાશાસ્ત્રી કેતન જેઠવા, સંદીપ જોષી તથા શૈલેન્દ્રસિંહ જાડેજા રોકાયેલા હતાં.

(3:13 pm IST)
  • ઇંધણના ભાવ ઘટાડો યથાવત : શનિવારે પેટ્રોલ-ડીઝલના ભાવમાં ઘટાડો ;પેટ્રોલ લીટરે 18 પૈસા અને ડીઝલ 20 પૈસા લિટરે થશે સસ્તું ;કેટલાય દિવસોથી પેટ્રોલ ડીઝલના ભાવ ઘટતા વાહન ચાલકોને રાહત access_time 12:35 am IST

  • સુરત:અડાજણ વિસ્તારમાં મનપા એસઆઈ પર હુમલો:કચરો નાખનાર મહિલાને કહેવા જતા મામલો બીચક્યો:મહિલાનો પુત્ર સળિયો લઈ એસઆઈને મારવા પહોંચ્યો:એસઆઈ પર હુમલો કરતા થયો બખેડો:મામલો અડાજણ પોલીસ મથકે પહોંચતા ફરિયાદ નોંધાઇ:પોલીસે હુમલાખોરની ધરપકડ કરી access_time 2:57 pm IST

  • મુસ્લિમો પર અત્યાચાર મામલે ચીનને ઘેરવા ૧૫ દેશોના રાજદૂતોની યોજના : કેનેડાની આગેવાનીમાં ચીનમાં ૧૫ દેશોના દૂતાવાસોએ ૧૦ લાખથી વધુ મુસ્લિમોને અટકાયતમાં રાખવા મામલે સરકારને પત્ર મોકલવાની યોજના ઘડી, શિનજિયાંગમાં ઉઈઘર મુસ્લિમો પર થતાં અત્યાચારના સંયુકત રાષ્ટ્રના અહેવાલ બાદ વિવિધ દેશોના રાજદૂતો ચીનથી ખફા access_time 3:18 pm IST