Gujarati News

Gujarati News

News of Tuesday, 16th October 2018

રામનાથપરાના એકલાજ રહેતાં અનવરભાઇ કુરેશીએ એસિડ પી જિંદગી ટૂંકાવી લીધી

રાજકોટ તા. ૧૬: રામનાથપરા હુશેની  ચોકમાં રહેતાં અનવરભાઇ અલીભાઇ કુરેશી (ઉ.૪૫) નામના મુસ્લિમ સોમવારે રવિવારે સવારે ઘરે એસિડ પી લેતાં સિવિલ હોસ્પિટલમાં   ખસેડાયા હતાં. અહિ ગત સાંજે મોત નિપજ્યું હતું.

હોસ્પિટલ ચોકીના એએસઆઇ જગુભા ઝાલા અને રાજદિપસિંહે જાણ કરતાં એ-ડિવીઝનના હેડકોન્સ. સાજીદભાઇ ખેરાણી અને અલ્પેશભાઇએ જરૂરી કાર્યવાહી કરી હતી. પોલીસ તપાસમાં ખુલ્યા મુજબ અનવરભાઇના લગ્ન થયા નહોતાં અને એકલા જ રહેતાં હતાં.  કેટલાક સમયથી માનસિક અસ્વસ્થતા અનુભવતા હતાં. તેના કારણે આ પગલું ભર્યાનું બહાર આવ્યું છે.

કુબલીયાપરાના ઉમેદભાઇનું બેભાન હાલતમાં મોત

અન્ય બનાવમાં કુબલીયાપરા શેરી નં. ૫માં જાગૃતિ પાનવાળી શેરીમાં રહેતો ઉમેદભાઇ વેરશીભાઇ સોલંકી (ઉ.૪૨) નામનો દેવીપૂજક યુવાન બપોરે સાડા ત્રણેક વાગ્યે ઘરે હતો ત્યારે બેભાન થઇ જતાં સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું. હોસ્પિટલ ચોકીના થોભણભાઇ ટીલારા અને દિપસિંહ ચોૈહાણે થોરાળા પોલીસને જાણ કરતાં પીએસઆઇ જે. જી. ચોૈધરીએ જરૂરી કાર્યવાહી કરી હતી.

(3:29 pm IST)
  • મુંબઇમાં સખ્ત ગરમી-ઉકળાટ : ૨૧-૨૨ ઓકટોબરે છુટાછવાયા ગાજવીજ વરસાદી ઝાપટા પડશેઃ હાલ તુર્ત સુકુ અને ગરમ વાતાવરણ ચાલુ રહેશે તેમ સ્કાયમેટ કહે છે. મુંબઇમાં સાંતાકુઝ ખાતે ગઇકાલે ૩૭.૫ સેન્ટીગ્રેડ ઉષ્ણતામાન નોંધાયું હતુઃ ભારે ગરમી-બફારા સાથે લોકો પરસેવે રેબઝેબ છેઃ છેલ્લા ૧૦ વર્ષોમાં બીજી વખત આવુ ઉંચુ ઉષ્ણાતામાન ઓકટોબરમાં જોવા મળ્યું છે. access_time 3:37 pm IST

  • ગાંધીનગર :કેવડિયા કોલોની ખાતે બનાવી શકાય છે અન્ય રાજ્યોના ભવન:પ્રવાસનને વેગ આપવા અન્ય રાજ્યના ભવન બનાવવાની વિચારણા:દિવાળી બાદ રાષ્ટ્રપતિ અને ઉપરાષ્ટ્રપતિ કરી શકે છે સ્ટેચ્યુ ઓફ યુનિટીની મુલાકાત access_time 1:06 am IST

  • રાજ્યભરમાં સ્ટેટ GST વિભાગના દરોડા: અમદાવાદ, સુરત,વડોદરા,રાજકોટ,વલસાડ,મોરબી, દાહોદમાં પેટ્રોલ પંપ પર તપાસ: પંપના માલિકો વેરો ન ભરી ટેક્સ ચોરી કરતા હતા access_time 1:13 am IST