Gujarati News

Gujarati News

News of Monday, 16th September 2019

કોંગ્રેસ સાથે જ છું: કોઇ ચંચુપાત વગર જવાબદારી સ્વીકારવા તૈયાર છું : ઇન્દ્રનીલ રાજયગુરૂએ દર્શાવી લાગણી

રાજકોટ તા. ૧૬ : શહેર કોંગ્રેસના પૂર્વ પ્રમુખ ઇન્દ્રનીલ રાજયગુરૂ સહીતના જુના જોગીઓને ફરી કોંગ્રેસમાં સક્રીય કરવા કોંગી કોર્પોરેટરો દ્વારા પ્રદેશ પ્રમુખને કરાયેલી રજુઆતના પ્રત્યઘાતો આપતા ઇન્દ્રનીલ રાજયગુરૂએ 'અકિલા'ને જણાવ્યું હતું કે તેઓ કોંગ્રેસ સાથેજ છે અને પ્રદેશ હાઇકમાન્ડ તેઓને જે કોઇ જવાબદારી સુપ્રત કરશે તે ફરજનિષ્ઠાથી બજાવશેપરંતુ આ બાબતમાં અન્ય કોઇ પણ ડીસ્ટબર્ન્સ (ચંચુપાત) નહી કરવામાં આવે તો તેઓ પુરા જોમ અને જુસ્સાથી કોંગ્રેસને વધુ મજબુત બનાવવા તન-મન-ધનથી પ્રયત્ન કરશે એ બાબત પણ આ તકે ઇન્દ્રનીલભાઇએ સ્પષ્ટતા કરી હતી.

આ તકે શ્રી રાજયગુરૂએ 'અકિલા'ને જણાવેલ કે કોંગ્રેસના કાર્યકરો અને કોર્પોરેટરોએ મને મળી અને ફરી કોંગ્રેસમાં સક્રીય થવા લાગણીઓ વ્યકત કરી હતી. અને આ બાબતે પ્રદેશ પ્રમુખ તથા પ્રદેશ અગ્રણીઓને રૂબરૂ રજુઆત માટે જવાની જાણ પણ મને કરી હતી આમ કોર્પોરેટરોની  આ લાગણીને પ્રદેશ આગેવાનો સમજશે તેવી આશા છ.ે

આ તકે શ્રી રાજયગુરૂએ સ્પષ્ટ કર્યુ હતું કે હું કોંગ્રેસ સાથે જ છુ ત્યારે પ્રદેશ હાઇકમાન્ડ મને જે જવાબદારી સોંપશે તે એક અદના કાર્યકર તરીકે નિભાવવા મારી પૂરે પૂરી તૈયારી છે પરંતુ આ જવાબદારીમાં કોઇ બાહ્ય ડીસ્ટબર્ન્સ (ચંચુપાત) ન આવે તે જોવાની પણ પ્રદેશ નેતાઓને જરૂર છે. કે મ કે આવા ચચુપાતથી કાર્યકરો અને આગેવાનોના ઉત્સાહ ભાંગી પડે છ.ે ટુંકમાં શ્રી રાજયગુરૂએ તેઓને જે જવાબદારી પક્ષ સોંપશે તેમાં તેઓને પુરેપુરો સ્વતંત્રતા મળે તેવી લાગણી આ તકે વ્યકત કરી હતી.

(4:43 pm IST)
  • નવા ટ્રાફીક કાનુનનો અમલ શરૂ પરંતુ રાજકોટમાં બપોરે ૧૨ સુધીમાં કોઇપણ સ્થળે ફીઝીકલ ચેકીંગ ચાલુ નથી થયું: કેમેરા દ્વારા મેમા ફટકારાય તેવી શકયતાઃ જેથી માથાકુટો ન સર્જાય access_time 12:24 pm IST

  • રાષ્ટ્રપતિ રામનાથ કોવિંદને લઈ જતા એર ઈન્ડિયા વન વિમાન ટેકનીકલ ખામી આવી ગઈ હતી. આને કારણે વિમાનને ત્રણ કલાક માટે સ્વીત્ઝર્લેન્ડના ઝુરિક એરપોર્ટ પર રોકાવું પડ્યું હતું. મળતી માહિતી મુજબ એર ઇન્ડિયા વન વિમાનની પાછળની પાંખમાં ખામી સર્જાઈ હતી. આ વિમાન ઝુરિકથી સ્લોવેનીયા જી રહ્યું હતું. તમને જણાવી દઈએ કે રાષ્ટ્રપતિ કોવિંદ હાલમાં આઇસલેન્ડ, સ્વીત્ઝર્લેન્ડ અને સ્લોવેનીયાની યાત્રા પર છે. access_time 11:51 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST