Gujarati News

રાજકોટ તા. ૧૬ : ખાદ્યતેલોમાં ભાવો ઘટયા બાદ આજે સીંગતેલના ભાવમાં ફરી ૧૦ રૂ.નો ઉછાળો થયો હતો. સ્થાનીક બજારમાં સીંગતેલમાં નીચા મથાળે લેવાલી નીકળતા સીંગતેલમાં ૧૦ રૂ.નો ભાવ વધારો થયો હતો.સીંગતેલ લુઝ (૧૦ કિ.ગ્રા.) ના ભાવ ૧૪ર૦ થી ૧૪૩૦ રૂ. હતા તેવધીને આજે બપોરે ૧૪૩૦ થી ૧૪૪૦ રૂ. ભાવ બોલાયા હતા. જયારે સીંગતેલ નવા ટીનના ભાવ ર૪૩૦ થી ર૪૭૦ રૂ. હતા. તે વધીને ર૪૪૦ થી ર૪૮૦ રૂ.ની સપાટીએ ભાવ પહોંચ્યા હતા.બપોર સુધીમાં અન્ય ખાદ્યતેલોના ભાવોમાં કોઇ વધ-ઘટ ન હતી.