Gujarati News

Gujarati News

News of Saturday, 16th June 2018

ત્રિલોક પાર્ક કવાર્ટરમાં જૂગાર રમતાં ૩ પકડાયા

રાજકોટ તા. ૧૬: ક્રાઇમ બ્રાંચે ત્રિલોક પાર્ક સરકારી આવાસ યોજના કવાર્ટ બ્લોક નં. ૧૪ પાસે દરોડો પાડી સ્ટ્રીટ લાઇટના અજવાળે જૂગાર રમી રહેલા સલિમ યુસુફભાઇ બ્લોચ, મેહુલ અનિલભાઇ પુજારા અને ચંદુ જગુમલભાઇ સતીજાને રૂ. ૮૦૧૦ની રોકડ તથા ગંજીપાના સાથે પકડી લીધા હતાં. હેડકોન્સ. સામતભાઇ ગઢવી, હીતુભા ઝાલા સહિતે દરોડો પાડ્યો હતો.

(12:52 pm IST)
  • નિતી આયોગની બેઠકમાં ભાગ લેવા માટે આજે ઘણાં રાજ્યોના મુખ્યમંત્રીઓ દિલ્હી પહોંચ્યા છે. આ દરમિયાન બંગાળના મુખ્યમંત્રી મમતા બેનરજી સહિત કર્ણાટકના મુખ્યમંત્રી કુમાર સ્વામી, તામિલનાડુના ચંદ્રાબાબુ નાયડુ અને કેરળના મુખ્યમંત્રી પી. વિજયને ઉપરાજ્યપાલ અનિલ બેજલને પત્ર લખીને દિલ્લીના મુખ્યમંત્રી અરવિંદ કેજરીવાલને મળવાની પરવાનગી માગી હતી, જેઓ ઘણા દિવસોથી ઉપરાજ્યપાલ નિવાસસ્થાને ધરણા પર બેઠા છે. આ બાબતે ઉપરાજ્યપાલ અનિલભાઈ બેજલે આ ચારેય મુખ્યમંત્રીઓને પરવાનગી આપી ન હતી, જેના લીધે મમતા બેનરજી સહિતના ચારેય મુખ્યમંત્રીઓ અરવિંદ કેજરીવાલના ઘરે પહોંચી, તેમના પરિવારજનોને મળ્યા હતા. આ સમયે મમતા બેનર્જીએ જણાવ્યું હતું કે આ ઘટના સંવેધાનિક સંકટ સમાન છે. આ બાબત પછી રાષ્ટ્રીય રાજકારણમાં જબરજસ્ત ગરમાવો જોવા મળી રહ્યો છે. access_time 11:04 pm IST

  • અમદાવાદના વિઠ્ઠલાપુર ગામે દલિત યુવાનને માર મારવાના પ્રકરણમાં બેની ધરપકડ : પીડિતને ૫૦ હજારની સહાય : માર મારતો વિડીયો સોશ્યલ મીડિયામાં વાયરલ કરનારની પણ તપાસ શરૂ access_time 5:54 pm IST

  • ગુરુવારે હાઈકોર્ટે ડૉ. આરસી શાહની પૂર્વ ધરપકડ જામીન અરજીને રદ્દ કરી દીધી હતી. ઉલ્લેખનીય છે કે, આરસી શાહ અમદાવાદ નગરપાલિકાનાં અધીક્ષક હતા અને લાંચ લેવાના ગુનામાં સસ્પેન્ડ કરાયા હતા. ગુજરાત હાઈકોર્ટે આ જામીન અરજી પર નિર્ણય સંભળાવતા કહ્યુ કે, ભ્રષ્ટ અધિકારીઓ અને મંત્રીઓ સમાજ માટે ભાડાના હત્યારોઓથી પણ વધારે ખતરનાક છે. access_time 1:03 am IST