Gujarati News

શહેરના વોર્ડ નં. ૧૪ ના સેની. ઇન્સ્પેકટર ડી. કે. વાજા, સેની. સબ ઇન્સ્પે. અમીનભાઇ વાગડીયા, સુપરવાઇઝર સ્ટાફ પ્રવિણાબેન, બકુલભાઇ તેમજ વોર્ડના તમામ સફાઇ કામદારોનું કોવીડ-૧૯ ની મહામારી સામે જોખમ વહોરીને ફરજ બજાવવા બદલ ફુલહારથી સન્માન કરવાનો એક કાર્યક્રમ બંસીધર ગ્રુપ દ્વારા થયો હતો. લોકોને રોગચાળાથી બચાવવા શહેરને સ્વચ્છબનાવવાના આ કાર્ય બદલ ર કિલો અનાજનું પણ વિતરણ કરવામાં આવ્યુ હતુ. આ કાર્યક્રમનું આયોજન સોશ્યલ ડીસ્ટન્સીંગ રાખીને કરવામાં આવેલ. સમગ્ર સમન્માન સમારોહ માટે મુન્નાભાઇ બંસીધર, નિલેશભાઇ જલુ, પ્રવિણભાઇ મીસ્ત્રી, કાંતિભાઇ પટેલ, ડો. આશાબેન સોની, કાંતાબેન રામાણી, સુભાષભાઇ રાયચુરા તથા કેવડાવાડી-૧૪ ના રહેવાસીઓએ જહેમત ઉઠાવી હતી.