Gujarati News

Gujarati News

News of Thursday, 16th May 2019

ખેડૂતો માટે આશાના વાદળો બંધાયાઃ દેશમાં ૯૬% અને ગુજરાતમાં તેનાથી પણ સારા વરસાદનો વર્તારો

હવામાન શાસ્ત્રીઓએ સરકારને આપ્યા શુભ સંકેતઃ વાતાવરણ પર નજર રાખવા 'ઇસરો'ની મદદ

રાજકોટ તા.૧૬: દેશમાં ઉનાળાનો ઉતરાર્ધ અને ચોમાસાના આગમનનો સમય નજીક  છે. રાજય સરકારે ચોમાસાની પૂર્વ તૈયારી શરૂ કરી છે. કાલે વિવિધ વિભાગો અને હવામાન શાસ્ત્રીઓની સંયુકત બેઠક બોલાવવામાં આવેલ. જેમાં હવામાન શાસ્ત્રીઓએ ગુજરાતમાં સારા ચોમાસાના સંકેત આપ્યા હતા.

કેરળમાં ૧૬ જુને ચોમાસુ બેસવાની સંભાવના છે ગુજરાતમાં ત્યાર પછી અઠવાડિયે વરસાદ આવી શકે છે. દેશમાં સરેરાશ ૯૬ ટકા ચોમાસુ થવાની ધારણા છે. ગુજરાતમાં તેનાથી પણ વધુ સારો વરસાદ થાય તેવી હવામાન નિષ્ણાંતોને આશા છે.

ગુજરાતમાં ચોમાસુ કેવુ રહેશે તેની હવામાન ખાતાની વિધિવત આગાહી જુનની શરૂઆતમાં થશે. હાલનું વાતાવરણ ગુજરાતમાં ૧૦૦ ટકાની આસપાસના વરસાદનો સંકેત આપે છે. હવામાન શાસ્ત્રીઓના વર્તારાથી ખેડૂતોમાં આશાના વાદળો બંધાયા છે. રાજયના મોટાભાગના વિસ્તારોમાં ગયા વરસે અપૂરતો વરસાદ  થયેલ તેથી આ વરસે ઉનાળામાં પાણીની ખેચ છે. જો અત્યારની આશા મુજબ સારો વરસાદ થાય તો ખેડૂતો રાજીરાજી થઇ જશે. સારા ચોમાસાની સાર્વત્રિક અસર જોવા મળશે. રાજય સરકારે આ વખતે હવામાન પર નજર રાખવા માટે ઇન્ડિયન સ્પેસ રિસર્ચ ઓર્ગેનાઇઝેશન (ઇસરો)ની પણ મદદ લીધી છે. સતાવાર રીતે હજુ રાજયમાં ધીંગી મેઘ સવારી આવવાને એકાદ મહિનાની વાર છે. કુદરતી રીતે ગમે ત્યારે વાતાવરણ બદલાય શકે છે.

(3:12 pm IST)
  • રાજકોટમાં અતુલ મોટર્સનો કર્મચારી પાર્થ ઠાકર ૨૨૫ ગ્રાહકોના વીમા પ્રિમિયમના ૧૯.૬૦ લાખ 'ખાઇ' ગયો!: ઇન્સ્યુરન્સ એકઝીકયુટિવ તરીકે કામ કરતાં વિશ્વનગરના બ્રાહ્મણ શખ્સે ૨૦૧૬ થી ૨૦૧૮ સુધીમાં ગ્રાહકોની વિમા પ્રિમીયમની રકમ ઉઘરાવી જમા જ ન કરાવીઃ કંપનીના સીઇઓ સમર્થ ચાંદ્રાની એ-ડિવીઝનમાં ફરિયાદઃ આરોપી સકંજામાં access_time 11:22 am IST

  • માતોશ્રીમાં બૉમ્બ બ્લાસ્ટનું ઘડાયું હતું ષડ્યંત્ર : 1989માં ઠાકરેએ ખુદ પરિવારજનોને બંગલો છોડવા કહ્યું હતું ; નારાયણ રાણે access_time 1:19 am IST

  • હવે વેકેશનમાં શિક્ષકોએ શાળામાં હાજર રહેવું પડશે: અમદાવાદ નગર પ્રાથમિક શિક્ષણ સમિતિનો પરિપત્ર :મુખ્ય શિક્ષક અથવા શિક્ષકને રહેવું પડશે હજારે :વિદ્યાર્થીઓના પ્રવેશ અને વિદ્યાર્થીની સંખ્યા વધારવા માટે સમિતિ દ્વારા લેવાયો નિર્ણંય : શિક્ષકોનું વેકેશન બગડે તેવા એંધાણ ;શિક્ષકોમાં ભારે કચવાટ ફેલાય તેવી શકયતા access_time 11:10 pm IST