Gujarati News

Gujarati News

News of Friday, 16th April 2021

રાજકોટ મુખ્ય બસ સ્ટોપ ઉપર કોરોનાનો પડાવ : વધુ ૫૪ મુસાફરોને પોઝીટીવ જાહેર : લોકલ બસના ૧૫૦ રૂટ રદ્દ

નાથદ્વારા સિવાયની તમામ આંતરરાજય બસ સેવા રાજકોટથી બંધ કરી દેવાઈ : માત્ર ૩૦% જ ટ્રાફીક : રોજનું ૬ થી ૮ લાખનું આવકમાં ગાબડું

રાજકોટ, તા. ૧૬ : રાજકોટ એસટી બસ સ્ટોપ ઉપર જાણે કોરોનાનો પડાવ હોય તેમ આજે વધુ ૫૪ મુસાફરોને કોરોના પોઝીટીવ આવતા ભારે ફફડાટ મચી ગયો હતો. કુલ ૧૯૧ મુસાફરોના ટેસ્ટ કરાયા હતા. તેમાંથી ૫૪ને પોઝીટીવ જાહેર કરાતાં આ તમામ મુસાફરોને હોમ કવોરન્ટાઈન કરી દેવા કોર્પોરેશન તંત્રએ કાર્યવાહી હાથ ધરી છે.

દરમિયાન રાજકોટથી ઉપડતી તમામ આંતરરાજય બસ સેવા બંધ કરી દેવાઈ છે. એકમાત્ર નાથદ્વારાની જ બસ ચાલુ રખાયાનું અધિકારી સૂત્રોએ જણાવ્યુ હતું.

દરમિયાન રાજકોટ એસટી બસ સ્ટોપ ઉપર કોરોનાને કારણે ટ્રાફીકમાં ભારે ઘટાડો થતા ૧૫૦ જેટલી લોકલ બસના રૂટ આજ સવારથી કેન્સલ કરી નખાયા છે. બસ સ્ટોપ ઉપર માત્ર ૩૦% મુસાફરો આવતા હોવાનું અધિકારીઓએ ઉમેર્યુ હતું.

(11:11 am IST)
  • જીજ્ઞેશ મેવાણીને કોરોના પોઝીટીવ : વડગામના ધારાસભ્ય શ્રી જીજ્ઞેશ મેવાણી કોરોનાથી સંક્રમિત થયાનું તેમણે પોતે ટ્વીટ કરીને જણાવ્યુ છે : હાલ તેમની તબિયત સ્ટેબલ હોવાનું જાણવા મળે છે access_time 2:35 pm IST

  • કોવિડ-૧૯ નિયંત્રણ માટે વિજયભાઈ રૂપાણીનો ૭ શહેરના મેડિકલ એસોસીએશન સાથે સંવાદ : વિડીયો કોન્ફરન્સના માધ્યમથી આજે સાંજે ૪ કલાકે મુખ્યમંત્રી વિજયભાઈ રૂપાણી અમદાવાદ, વડોદરા, સુરત, રાજકોટ, કચ્છ, મહેસાણા અને આણંદના ઈન્ડીયન મેડિકલ એસોસીએશનના સભ્યો સાથે કોરોના નિયંત્રણ સંદર્ભે ગાંધીનગરથી સંવાદ કરેલ access_time 4:01 pm IST

  • રેમડેસિવિર ઇન્જેક્શનના કાળાબજાર કરતા વાપીના ઉદ્યોગપતિ અને ફર્નિચર શો રૂમનો માલિક વરુણકુંદ્રાઅને દમણના ફાર્મા કંપનીનો મેનેજર મનીષ સિંઘ ઝડપાયો: SOG પીએસઆઈ રાણાએ નક્લી ગ્રાહક બની ને રેમડેસિવિર ઇન નક્લી ગ્રાહક બનીને છકઠું ગોઠવી રેકેટ નો કર્યો પર્દાફાશ:. બંનેની ધરપકડ access_time 12:07 am IST