Gujarati News

Gujarati News

News of Tuesday, 16th April 2019

સામાજીક કાર્યોને લીધે સરગમ કલબની ઓળખ વૈશ્વિક બની : મૌલેશભાઇ પટેલ

સરગમ કલબની સામાન્ય સભા સંપન્ન : નવા વર્ષના હોદેદારોની વરણી : કામધેનુ આયોગના ચેરમેન ડો. કથીરીયાનું સન્માન

રાજકોટ : છેલ્લા ૩૮ વર્ષથી સામાજિક સેવાકીય કાર્યો કરતી સરગમ કલબની વાર્ષિક સાધારણ સભા તાજતેરમાં મળી હતી. જેમાં નવા વર્ષના હોદેદારોની વરણી સાથે આગામી નવા ૭ પ્રોજેકટ શરૂ કરવાની જાહેરાત કલબના પ્રમુખ ગુણવંતભાઇ ડેલાવાળાએ કરી હતી. આ પ્રસંગે ઉદ્યોગપતિ મૌલેશભાઇ પટેલે પોતાના ઉદ્દબોધનમાં જણાવેલ કે સરગમ પરિવારે લોકોને એક કરવાનું ઉમદા કાર્ય કર્યુ છે. સામાજીક સેવા કાર્યોને લીધે સરગમ કલબની ઓળખ વૈશ્વિક બની છે. સ્વચ્છ વહીવટના કારણે જ દાતાઓનો સહયોગ પણ સરગમ કલબને મળતો રહ્યો છે. એક સંસ્થા ચલાવવી પણ મુશ્કેલરૂપ બનતી હોય ત્યાં સરગમ કલબ જુદી જુદી ૪૩ સંસ્થાઓનું સંચાલન સંભાળે છે તે મોટી બાબત ગણાય. ઉદ્યોગપતિ કમલનયન સોજીત્રાએ પોતાના વકતવ્યમાં સરગમ કલબને સેવાની ગંગોત્રી ગણાવી હતી. ઉપરાંત ડો. જયોતિબેન રાજગુરૂ, કાશ્મીરાબેન નથવાણી, કિરીટભાઇ આદ્રોજાએ પણ પ્રાસંગીક પ્રવચન કરેલ. આ પ્રસંગે તાજેતરમાં રાષ્ટ્રીય કામધેનુ આયોગના ચેરમેન તરીથે નિમણુંક પામેલા ડો. વલ્લભભાઇ કથીરીયાનું સરગમવતી સન્માન કરાયુ હતુ. આ વાર્ષિક સાધારણ સભામાં સ્મિતભાઇ પટેલ, યોગેશભાઇ પુજારા, જગદીશભાઇ ડોબરીયા, હરેશભાઇ વોરા, હરીશભાઇ લાખાણી, મનીષભાઇ માદેકા, એમ. જે. સોલંકી, જીતુભાઇ પટેલ, મહેન્દ્રભાઇ ફળદુ, કિરીટભાઇ આદ્રોજા, ડો. પ્રફુલભાઇ શાહ, મિતેનભાઇ મહેતા, પ્રવિણભાઇ ધોળકીયા, જયેશભાઇ વસા, જસવંતસિંહ ભટ્ટી, નીરજભાઇ આર્ય, વી. પી. વૈષ્ણવ, અનંતભાઇ ઉનડકટ, હરેનભાઇ મહેતા, પરસોતમભાઇ કમાણી, છગનભાઇ ગઢીયા, ડો. ચંદાબેન શાહ, નીલુબેન મહેતા, આશાબેન શાહ, જયશ્રીબેન સેજપાલ, ડો. માલાબેન કુંડલીયા, રેણુબેન યાજ્ઞીક, જયશ્રીબેન રાવલ, સુધારેન ભાયા, લતાબેન તન્ના, ચંદ્રીકાબને ધામેલીયા, કાંતાબેન કથીરીયા, કાશ્મીરાબેન નથવાણી, જયોતિબેન રાજગયુરૂ, કુંદનબેન રાજાણી, ઉષાબેન પટેલ, અલ્કાબેન કામદાર, ભાવનાબેન ધનેશા, ગીતાબેન હિરાણી વગેરે ઉપસ્થિત રહ્યા હતા. સભાના પ્રારંભે સ્વાગત પ્રવચન અરવિંદભાઇ દોમડીયાએ કરેલ. આ તકે ગુણવંતભાઇ ડેલાવાળાએ જણાવેલ કે સરગમ કલબની પ્રવૃતિથી પ્રભાવિત થઇને કેનાલ રોડ ઉપર હોસ્પિટલ ધરાવતા બાળ રોગ નિષ્ણાંત ડો. સિધ્ધાર્થભા પટેલે પોતાની પરમ પ્રકાશ હોસ્પિટલનું આખુ બિલ્ડીંગ સરગમ કલબને અર્પણ કરી દીધુ છે. ત્યાં આરોગ્ય સેન્ટર, લેબોરેટરી, ફીઝીયોથેરાપી સેન્ટર, લેડીઝ કલબની ઓફીસ, શિવણ વર્ગો શરૂ કરવામાં આવશે. આ સભા દરમિયાન નવા હોદેદારોની નિમણુંકો જાહેર કરાતા પ્રમુખ તરીકે ગુણવંતભાઇ ડેલાવાળા, ઉપપ્રમુખ તરીકે અરવિંદભાઇ દોમડીયા, મંત્રી તરીકે મૌલેશભાઇ પટેલ, ખજાનચી તરીકે સ્મિતભાઇ પટેલ, સહમંત્રી તરીકે વિનોદભાઇ પંજાબીનો સમાવેશ કરાયો હતો. એજ રીતે કપલ કલબ, સીનીયર સીટીઝન કલબ, ચિલ્ડ્રન કલબ, લેડીઝ કલબના નવા હોદેદારોની પણ વરણી કરાઇ હતી. સમાન્ય સભાનું સંચાલન સરગમ લેડીઝ કલબના મંત્રી ડો. માલાબેન કુંડલીયાએ કર્યુ હતુ. સમગ્ર કાર્યક્રમને સફળ બનાવવા જેન્ટસ અને લેડીઝ કલબના કમીટી મેમ્બરોએ જહેમત ઉઠાવી હતી.

(3:43 pm IST)
  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • પાટણમાં પવનના સુસવાટા સાથે હળવા વરસાદી છાંટા access_time 4:30 pm IST