Gujarati News

Gujarati News

News of Tuesday, 16th April 2019

વેફર્સ સહીતની ખાદ્ય ચીજોનાં મલ્ટીલેયર પ્લાસ્ટીક પેકેટનાં કચરામાંથી બળતણ બનશે

બાલાજી- રાધે-અવધ-વડાલીયા સહીતની ફરસાણ ફેકટરીઓમાં પ્રતિનીધી સાથે પ્લાસ્ટિકનાં નિકાલ માટે બેઠક યોજાઇ મ્યુ.કમિશ્નર

રાજકોટ, તા.૧૬: રાજકોટ મહાનગરપાલિકાની મધ્ય ઝોન કચેરી મિટીંગ હોલ ખાતે પ્લાસ્ટીક વેસ્ટ મેનેજમેન્ટ રૂલ્સ-૨૦૧૬ અન્વયે મલ્ટીલેયર પ્લાસ્ટીક પેકેજીંગ (બ્રાન્ડ ઓનર્સ)ની રાખવામાં આવેલ હતી. આ બેઠકમાં ભારત સરકારશ્રીના પ્લાસ્ટીક વેસ્ટ મેનેજમેન્ટ રૂલ્સ-૨૦૧૬ અન્વયે દરેક ઉત્પાદક, આયાતકર્તા અને બ્રાન્ડ માલિકો કે જેના દ્વારા આ પ્રકારનું મલ્ટીલેયર પ્લાસ્ટીક પેકિંગમાં પ્રોડકટનું વેચાણ કરવામાં આવતુ હોય, તે દરેકે આ પ્રકારનાં પ્લાસ્ટીક વેસ્ટની કલેકશન સીસ્ટમ (EXTENDED PRODUCER’S RESPONSIBILITY)નું આયોજન કરવાની જવાબદારી નક્કી કરવામાં આવેલ છે, તેમ મ્યુનિ. કમિશનર  બંછાનિધિ પાનીએ જણાવ્યું હતું.

હાલમાં મલ્ટીલેયર પ્લાસ્ટીક પેકેજીંગ જે નોન-રીસાયકલેબલ હોય, જેથી વેસ્ટ પીકર્સ દ્વારા ઉપાડવામાં આવતુ નથી. કમિશનરશ્રી દ્વારા તમામ કંપનીઓને આ અંગે રાજકોટ શહેરમાં કલેકશન સેન્ટર બનાવી, વેસ્ટ પીકર્સ પાસેથી મલ્ટીલેયર પ્લાસ્ટીક પેકેજીંગ ખરીદ કરવામાં આવે અને તેઓને પુરતી રકમ મળે તે અંગે જણાવવામાં આવેલ હતું. તથા ફરીથી મલ્ટીલેયર પ્લાસ્ટીક પેકેજીંગના ખાલી પાઉચ જેના બળતણ બનાવી અને તેનો નિકાલ નાકરાવાડી ખાતે કરવા તાકીદ આપવામાં આવી હતી.

ઉપરોકત મિટીંગમાં પ્લાસ્ટીક પેકેજીંગ (બ્રાન્ડ ઓનર્સ) જેવા કે, બાલાજી વેફર્સ, રાધે ફુડ, અવધ નમકીન, ગોપાલ સ્નેકસ પ્રા.લી., વડાલીયા ફુડઝ, એપ્રિકોડ ફુડ વિગેરેના પ્રતિનિધિ તથા રાજકોટ મહાનગરપાલિકાના નાયબ કમિશનરશ્રી ચેતન ગણાત્રા, સોલીડ વેસ્ટ મેનેજમેન્ટ શાખાના પર્યાવરણ ઇજનેર  એન.આર.પરમાર, વાવ સેલના નાયબ કાર્યપાલક ઇજનેર અંબેશ દવે તથા સોલીડ વેસ્ટ મેનેજમેન્ટ શાખાના ત્રણે ઝોનના નાયબ પર્યાવરણ ઇજનેરશ્રીઓ  પ્રજેશ સોલંકી, દિગ્વિજયસિંહ તુવર અને વલ્લભભાઈ જીંજાળા વગેરે હાજર રહેલ હતા.

(3:28 pm IST)
  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • પાટણમાં પવનના સુસવાટા સાથે હળવા વરસાદી છાંટા access_time 4:30 pm IST