Gujarati News

Gujarati News

News of Monday, 15th April 2019

આવતીકાલે રાજકોટમાં યોજાનાર સંમેલનમાં બક્ષીપંચ સમાજ ઉમટી પડે : નરેન્દ્રભાઈ સોલંકી

રાજકોટ, તા. ૧૫ : લોકસભાની ચૂંટણી અંતર્ગત ભાજપ બક્ષીપંચ મોરચા દ્વારા આવતીકાલે તા.૧૬ના મંગળવારે પવનપુત્ર ચોક ખાતે બક્ષીપંચ સમાજનું મહાસંમેલન યોજાનાર છે. જેમાં સમસ્ત બક્ષીપંચ સમાજના ભાઈ - બહેનોને ઉમટી પડવા નરેન્દ્રભાઈ સોલંકી દ્વારા અનુરોધ કરાયો છે. આવતીકાલે આયોજીત બક્ષીપંચ સમાજના સંમેલનમાં આહિર, પ્રજાપતિ, દરજી, લુહાર, કોળી, કડીયા સહિતના સમાજના ભાઈ - બહેનો ભાજપના ઉમેદવાર મોહનભાઈ કુંડારીયાના સમર્થનમાં ઉપસ્થિત રહેનાર હોય જેમાં બક્ષીપંચ મોરચાના પ્રદેશ ભાજપના ઉપપ્રમુખ અને સૌરાષ્ટ્ર-કચ્છ બક્ષીપંચ મોરચાના ઈન્ચાર્જ નરેન્દ્રભાઈ સોલંકી દ્વારા અપીલ કરાઈ છે.

(4:23 pm IST)
  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • " ફેક ન્યુઝ " : બોગસ વોટિંગ માટે બનાવટી આંગળીઓ વપરાઈ રહી છે : પોલીંગ બુથ ઉપર બેઠેલા અધિકારીઓએ શાહીનું નિશાન કર્યા પછી આંગળી ખેંચી જોઈ ખાતરી કરવી : સોશિઅલ મીડિયામાં ફેસબુક અને ટ્વીટર ઉપર વાઇરલ થઇ રહેલા ન્યુઝ માં દર્શાવાતો ફોટો જાપાનની ગેંગસ્ટર માટેનો છે : તેને ભારતની લોકસભાની ચૂંટણીઓ સાથે કંઈ લેવા દેવા નથી : ટાઈમ્સ ફેક્ટ ચેકનો અહેવાલ access_time 6:40 pm IST