Gujarati News

Gujarati News

News of Monday, 15th April 2019

રવિ પરમાર સાથે પત્નિ હેતલે ઝઘડો કરતાં એસિડ પી લીધું

એક મહિના પહેલા જ પરણેલા આંબેડકરનગરના યુવાન

રાજકોટ તા.૧૫: ગોંડલ રોડ એસટી વર્કશોપ પાછળ આંબેડકરનગર-૧૧માં રહેતાં અને કડીયા કામની મજૂરી કરી ગુજરાન ચલાવતાં રવિ રમેશભાઇ પરમાર (ઉ.૨૯) નામના વણકર યુવાને સવારે દસેક વાગ્યે કણકોટ એન્જિનીયરીંગ કોલેજ સામેના રોડ પર એસિડ પી લેતાં સિવિલ હોસ્પિટલમાં ખસેડાતાં હોસ્પિટલ ચોકીના એએસઆઇ થોભણભાઇ ટીલારાએ તાલુકા પોલીસને જાણ કરી હતી.

રવિ બે ભાઇ અને બે બહેનમાં નાનો છે. તેના લગ્ન એક મહિના પહેલા ગોૈતમનગરની હેતલ સાથે થયા છે. રવિના કહેવા મુજબ લગ્ન થયા ત્યારથી પત્નિને ગમતું ન હોઇ તે બાબતે બંને વચ્ચે ચડભડ થતાં પોતે કંટાળી જતાં આ પગલું ભર્યુ હતું.

(3:52 pm IST)
  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST

  • " ફેક ન્યુઝ " : બોગસ વોટિંગ માટે બનાવટી આંગળીઓ વપરાઈ રહી છે : પોલીંગ બુથ ઉપર બેઠેલા અધિકારીઓએ શાહીનું નિશાન કર્યા પછી આંગળી ખેંચી જોઈ ખાતરી કરવી : સોશિઅલ મીડિયામાં ફેસબુક અને ટ્વીટર ઉપર વાઇરલ થઇ રહેલા ન્યુઝ માં દર્શાવાતો ફોટો જાપાનની ગેંગસ્ટર માટેનો છે : તેને ભારતની લોકસભાની ચૂંટણીઓ સાથે કંઈ લેવા દેવા નથી : ટાઈમ્સ ફેક્ટ ચેકનો અહેવાલ access_time 6:40 pm IST

  • પાટણમાં પવનના સુસવાટા સાથે હળવા વરસાદી છાંટા access_time 4:30 pm IST