Gujarati News

Gujarati News

News of Tuesday, 16th April 2019

ન્યારીને ૧૪ ફુટ ભરી નર્મદાનીર બંધ કરી દેવાયા

જૂન સુધી આ ડેમમાંથી પાણી ઉપાડી શકાશેઃ કુલ ૧ મહીનો નર્મદાનીર ઠાલવવામાં આવતા ડેમમાં ૩૧૦ એમ.સી.એફ.ટી. પાણીનો સંગ્રહ થયો

રાજકોટ તા. ૧પઃ શહેરને પાણી પુરૂ પાડતા ન્યારી-(૧) ડેમને નર્મદાનીરથી ભરી દેવાનું ગત ૧ માર્ચથી શરૂ કરાયેલ અને સતત ૧ મહિના સુધી આ ડેમમાં નર્મદાનીર ઠાલવીને ડેમને ૧૯ ફુટ ભરી દેવાયા બાદ ગઇ ૧લી એપ્રિલથી ન્યારી-૧માં નર્મદા નીર ઠાલવવાનું બંધ કરી દેવાયું છે.

આ  અંગે મ્યુ.કોર્પોરેશનના વોટર વર્કસ વિભાગના સૂત્રોના જણાવ્યા મુજબ ગત તા.૧ માર્ચથી ન્યારી (૧) ડેમમાં નર્મદાનીર ઠાલવીને ડેમને ભરવાનું શરૂ કરાયુ હતું અને દરરોજ ૬ થી ૭ એમ.સી.એફ.ટી. નર્મદાનીર ઠાલવી ૧ લી એપ્રિલ સુધીમાં ડેમની ૪૯ સપાટી ૧૯ ફુટ સુધી ભરીને આ ડેમમાં નર્મદાનીર ઠાલવવાનું બંધ કરી દીધું હતું.

નોંધનિય છે કે હાલમાં ન્યારી ડેમમાં ૩૧૦ એમ.સી.એફ.ટી. પાણીનો સંગ્રહ થયો છ.ે અને ડેમમાંથી દરરોજ ૪પ એલ.એલ.ડી. પાણી આ ડેમમાંથી ઉપાડીને તેનુ વિતરણ કરવામાં આવે છે એ હીસાબે ન્યારી ડેમનું પાણી જુન મહીના સુધી ચાલશે તેમ સૂત્રોએ જણાવ્યુ઼ હતું.(૬.૨૩)

(3:47 pm IST)
  • રાજકોટમાં સોશ્યલ મીડિયા વોર :લાલચ આપીને ભાજપમાં જોડવા કોશિશ :પાસના કાર્યકરોને લાલચ આપીને ભાજપમાં ખેંચવા પ્રયાસ :મનોજ પનારા અને હેમાંગ પટેલના નામે પોસ્ટ વાયરલ ;જબરી ચકચાર access_time 11:22 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST