Gujarati News

Gujarati News

News of Monday, 15th April 2019

૧૭મીએ હુજુર પેલેસમાં ભાજપના ટેકામાં ક્ષત્રિય સંમેલનઃ ભૂપેન્દ્રસિંહજીની ઉપસ્થિતિ

રાજકોટ તા. ૧૫: 'સમસ્ત રાજકોટ ક્ષત્રિય સમાજ સુરાષ્ટ્ર નિર્માણ સંમેલન'ના બેનર હેઠળ આગામી ૧૭મીને બુધવારે સાંજે રણજીતવિલાસ પેલેસ (હુજુર પેલેસ) ખાતે ક્ષત્રિયોનું સંમેલન મળી રહ્યું છે. આ બારામાં રાજકોટના પૂર્વ રાજવી ઠા.સા. શ્રી માંધાતાસિંહજી મનોહરસિંહજી જાડેજાએ એક અખબારી યાદીમાં જણાવ્યું છે કે લોકસભાની ચૂંટણીમાં ભારતીય જનતા પાર્ટી તેમજ નરેન્દ્રભાઇ મોદીને પૂર્ણ બહુમતિથી વિજેતા બનાવી સમર્થ હાથમાં દેશનું સુકાન સોંપવાના ઉદ્દેશ્ય સાથે રાજકોટના સમસ્ત ક્ષત્રિય સમાજનું સંમેલન યોજાઇ રહ્યું છે. આ સંમેલનમાં ગુજરાત ભાજપના સિનિયર મોસ્ટ અગ્રણી અને કેબિનેટ મિનિસ્ટર શ્રી ભૂપેન્દ્રસિંહજી ચુડાસમા ઉપસ્થિત રહેશે. સંમેલન પૂર્ણ થયા બાદ હુજુર પેલેસ ખાતે જ ભોજન સમારંભ યોજાયો છે. આ કાર્યક્રમમાં ઉપસ્થિત રહેવા સર્વ ક્ષત્રિય ભાઇઓને અપિલ કરવામાં આવી છે.

(3:43 pm IST)
  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST