Gujarati News

Gujarati News

News of Monday, 15th April 2019

રાજકોટમાં બનેલ કામાખ્યા મંદિરે બુધવારથી ત્રણ દિવસીય પ્રાણ પ્રતિષ્ઠા મહા મહોત્સવ

શોભાયાત્રા, ગૃહ શાંતિ હોમ, ધ્વજારોહણ સહિતના કાર્યક્રમો : આસામ જેવી જ પ્રતિકૃતિ

રાજકોટ તા. ૧૫ : પૂર્વ ભારતના કામરૂદેશ તરીકે જાણીતા આસામમાં આવેલ શ્રી કામાખ્યા માતાજીના મંદિર જેવું જ મંદિર રાજકોટમાં નિર્માણ કરાયુ છે. જેનો પ્રાણ પ્રતિષ્ઠા મહોત્સવ તા. ૧૭ થી ૧૯ યોજાયો છે.

આ અંગે 'અકિલા' ખાતે વિગતો વર્ણવતા મહોત્સવ સમિતિના આગેવાનોએ જણાવેલ કે ૫૧ શકિત પીઠ પૈકી ૧૮ મું શકિત પીઠ તરીકે સ્થાન ધરશાવતુ શ્રી કામાખ્યા મંદિર ટ્રસ્ટની મંજુરી લઇને તેના જેવું જ મંદિર રાજકોટના લાપાસરી રોડ, કોઠારીયા ગામ, રણુજા મંદિર સામે નિર્માણ કરવામાં આવેલ છે.

બે એકર જગ્યામાં પાંચેક વર્ષ પહેલા ગૌ શાળા શરૂ કરવામાં આવી હતી. બાદમાં છેલ્લા એક વર્ષથી મંદિર નિર્માણનું કાર્ય ચાલી રહ્યુ હતુ. ૨૧*૨૧ ના ગર્ભ ગૃહ સાથે તૈયાર થયેલ આ શ્રી કામાખ્યાધામનો પ્રાણ પ્રતિષ્ઠા આગામી તા. ૧૭ ના બુધવારથી તા. ૧૯ ના શુક્રવાર એમ ત્રિ દિવસીય આયોજીત કરાયો છે.

પ્રથમ દિવસે તા. ૧૭ ના બુધવારે સાંજે ૪ વાગ્યે સામૈયા, શોભાયાત્રા, ધાન્યાધિવાસ, દેશ શુધ્ધિ, બીજા દિવસે તા. ૧૮ ના ગુરૂવારે સવારે ૭ વાગ્યે ગણપતિ સ્થાપન, ગ્રહ શાંતિ હોમ, તા. ૧૯ ના નિત્ય પુજા ધ્વજારોહણ અને મુર્તિ સ્થાપન સહિતા કાર્યક્રમો થશે.

પંચધાતુમાંથી મુરાબાદ ખાતે બનાવવામાં આવેલ ૩ાા ફુટની મુર્તિનું અહીં સ્થાપન કરાશે. અહી કોળાની બલી, કેળાનું સ્થંભ (પ્રસાદ) ચડાવાશે. દરરોજ સવારે ૬ વાગ્યે અને સાંજે ૭ વાગ્યે આરતી થશે. દરરવિવારે સાંજે ૪ વાગ્યે ખાસ પૂજા કુશ્માંડ બલી પુજા અને બાદમાં મહાપ્રસાદ વિતરીત થશે.

વધુ માહીતી માટે મો.૯૮૨૫૫ ૭૯૫૭૪, મો.૯૯૦૯૩ ૮૦૧૨૪, મો.૯૭૨૩૬૫ ૦૦૮૬૩ ઉપર સંપર્ક કરવા જણાવેલ છે.

તસ્વીરમાં અકિલા ખાતે વિગતો વર્ણવતા પુજારી શાસ્ત્રી શ્રી વિશાલભાઇ જાની, આનંદભાઇ હાપલીયા, કમલેશભાઇ ભુવા, સંજયભાઇ આડેસરા, અંકુરભાઇ હાપલીયા, વિનુભાઇ હાપલીયા, પ્રતિક જાની નજરે પડે છે. (તસ્વીર : અશોક બગથરીયા)

(3:42 pm IST)
  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST