Gujarati News

Gujarati News

News of Saturday, 16th March 2019

નિંભર તંત્ર જાગશે ?

શ્રીનાથજી સોસાયટીમાં ગંદા પાણીની સમસ્યા ન ઉકેલાય તો આંદોલનઃ લોકોનું આરોગ્ય જોખમમાં

શ્રીનાથજી સોસાયટી શેરી નં. ૧૧ વોર્ડ નં. ૧૨ આ વિસ્તારમાં ઘણા સમયથી નળમાં ગંદુ અને દુર્ગંધ આવતુ પાણી આવતુ હોવાથી આ વિસ્તારમાં તાવ અને અન્ય રોગચાળાનું પ્રમાણ વધ્યુ છે. આ પ્રશ્નની વારંવાર રજુઆત કરવા છતા કોઈપણ ઉકેલ આવેલ નથી છતાં મોબાઈલમાં ફરિયાદ ઉકેલાઈ ગયાના ખોટા મેસેજ આવે છે. આ બાબતે આ વિસ્તારના કોર્પોરેટરને પણ જાણ કરવા છતાં જાહેર આરોગ્ય માટે ખતરારૂપ આ સમસ્યા નથી ઉકેલાઈ અને પાણીજન્ય રોગચાળો ફાટી નીકળે તે પહેલા કોર્પોરેશન આ પ્રશ્ન હલ કરે. જો આ પ્રશ્ન હલ કરવામાં ન આવે તો થોડા દિવસોમાં આ વિસ્તારના રહીશો દ્વારા ઉગ્ર આંદોલન કરવામાં આવશે કેમ કે પાણી ખરાબ આવવાને કારણે આ વિસ્તારના રહીશોને પીવાનું પાણી વેચાતુ લેવુ પડે છે તેવુ આ વિસ્તારના રહીશો નયનાબેન ભરવાડ, ભારતીબેન ભરવાડ, હીનાબેન ભરવાડ, વર્ષાબેન ધામેલીયા, રંજનબેન રૂપાપરા, દયાબેન રૂપાપરા, ઈન્દુબેન વગેરેએ જણાવેલ છે. તસ્વીરમાં ગંદા પાણીની ડોલ સાથે કોર્પોરેશનના નિંભર તંત્ર સામે રોષ વ્યકત કરી રહેલી ગૃહિણીઓ નજરે પડે છે (તસ્વીરઃ સંદીપ બગથરીયા)

(3:52 pm IST)
  • દેશમાં સૌથી મોટી સમસ્યા બેરોજગારી, જો અમારી સરકાર આવશે તો ગરીબોના ખાતામાં રૂપિયા જમા કરશે : રાહુલઃ રાહુલ ગાંધીએ કહ્યું કે જો અમારી સરકાર આવશે તો મર્યાદા કરતાં ઓછી આવક હશે તેને રૂપિયા મળશે : અમારી સરકાર ગરીબોના ખાતામાં પૈસા જમા કરશે access_time 3:24 pm IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST

  • આજે ભાજપ ખોલશે પતાઃ પ્રથમ યાદી આવશેઃ ૧૦૦ ઉમેદવારો જાહેર થશેઃ નવી દિલ્હીઃ આજે ભાજપ સંસદીય પક્ષની બેઠક મળી રહી છેઃ ૧૦૦ જેટલા ઉમેદવારો જાહેર કરાશેઃ પ્રથમ યાદીમાં જ પીએમ મોદીનું નામ હશેઃ તેઓ વારાણસીથી ચૂંટણી લડશેઃ બિહાર માટેના નામોનું એલાન થઇ શકે છે. આ ઉપરાંત પ.યુપી, ઉત્તરાખંડ, દિલ્હી, પ.બંગાળ, ઓડીશા, મહારાષ્ટ્રના પણ કેટલાક નામો હશેઃ તેલંગણા અને આંધ્રની બધી બેઠકોના નામ જાહેર થશે કારણ કે ત્યાં ૧૧ અને ૧૮ એપ્રિલે મતદાન છે access_time 11:22 am IST