Gujarati News

Gujarati News

News of Saturday, 16th March 2019

રાજગુરૂ કોલેજમાં ટેકનીકલ સ્પર્ધા : ભાવી એન્જીનીયરોએ તકનીકી કૌશલ્ય પ્રદર્શિત કર્યુ

રાજકોટ : વિદ્યાર્થીઓમાં રહેલ કૌશલ્ય બહાર આવે અને તેઓને સર્જનાત્મક તંદુરસ્ત હરીફાઇ મળી રહે તેવા આશયથી સંજયભાઇ રાજગુરૂ એન્જીનીયરીંગ કોલેજ ખાતે એક રાષ્ટ્રીયકક્ષાની ટેકનીકલ સ્પર્ધા 'સનરેઝ ૨૦૧૯' શીર્ષકતળે યોજવામાં આવી હતી. જાણીતા શિક્ષણવિદ્દ શ્રી પાનેલીયાના મુખ્ય અતિથિ સ્થાને યોજાયેલ ટેકનીકલ સ્પર્ધામાં પ્રોજેકટ પ્રેઝન્ટેશન, પોસ્ટર પ્રેઝન્ટેશન, રોબો રેસ, રોબો વોર, એક્ષપર્ટ ટોક, કવિઝ, રંગોળી અને વિવિધ સ્પર્ધાઓ ગોઠવવામાં આવી હતી. વિવિધ ક્ષેત્રના તજજ્ઞોએ વિદ્યાર્થીઓની ક્ષમતા ચકાસી હતી. વિદ્યાર્થીઓએ 'બી હેપી' અને 'નેશન ફસ્ટ' થીમ પર આખા કોલેજ કેમ્પસને શણગાર્યુ હતુ. મીકેનીકલ, ઇલેકટ્રીકલ, કોમ્પ્યુટર, ઇલેકટ્રોનીકસ જેવી બ્રાન્ચના વિદ્યાર્થીઓએ અભ્યાસ સમયમાં બનાવેલ વિવિધ પ્રોજેકટસ અને પોસ્ટર રજુ કર્યા હતા. હાલ ઓટોમેશનની સદી છે ત્યારે ઓટોમેટીક સીસ્ટમનો ઉપયોગ કરી વિદ્યાર્થીઓએ બનાજેલ રોબો પ્રદર્શીત કરાયા હતા. વિવિધ રોબો વચ્ચે રેસ અને લડાઇના રોમાંચક દ્રશ્યો સર્જવામાં આવ્યા હતા. સાથો સાથ નિષ્ણાંતો તજજ્ઞોનું જ્ઞાન મળે તે હેતુથી એક્ષપર્ટ ટોક પણ રાખવામાં આવી હતી. જેમાં મોટીવેશનલ ગુરૂ કરીયર ગાઇડથી ઓળખાતા વીરબાઇમાં મહિલા કોલેજના પ્રાધ્યાપક દીપકભાઇ રાઠોડે 'ભવિષ્ય વિકાસ' પર, પ્રો. કમલેશભાઇ સાંગાણીએ 'ઉર્જા બચાવ' વિષય પર અને  બ્રિજેશ પાંડેએ પાયથન લેંગ્વેજ પર સેશન આપ્યુ હતુ. ઉપરાંત વન મીટી ગેમ્સ, ટ્રેઝર હન્ટ જેવી સ્પર્ધાઓ, કિવઝ રાખવામાં આવી હતી. સમગ્ર ઇવેન્ટ નિઃશુલ્ક હોય બહોળી સંખ્યામાં વિદ્યાર્થીઓએ લાભ લીધો હતો. ભાગ લેનાર દરેકને પ્રમાણપત્રો તેમજ સ્પર્ધામાં પ્રથમ, દ્વીતીય, તૃતીય આવનારને વિશેષ ઇનામો અપાયા હતા. સમગ્ર કાર્યક્રમને સફળ બનાવવા સંસ્થાના ચેરમેન ઇન્દ્રનીલભાઇ રાજગુરૂ, ટ્રસ્ટી દર્શનીલ રાજગુરૂના માર્ગદર્શન હેઠળ સંસ્થાના ડાયરેકટર પ્રો. ચિરાગ જસાણી, ડીગ્રી કોલેજના આચાર્ય ડો. નવનીત ઘેડીયા, સાયન્સ કોલેજના આચાર્ય ડો.નિમિષ વસોયા, ડીપ્લોમાં કોલેજના આચાર્ય પ્રો. રૂષિરાજ બોરીસાગર, 'સનરેઝ-૨૦૧૯' ના કન્વીનર પ્રો. મિતુલ ટાકોદ્રા, પ્રો. પ્રકાશ પરમાર, પ્રો. બ્રિજેશ વાંસદળીયા, પ્રો. કૃણાલ શેરઠીયા અને સંસ્થાના સ્ટાફ મેમ્બર તથા વિદ્યાર્થીઅ મિત્રોએ જહેમત ઉઠાવી હતી.

(3:36 pm IST)
  • રાજનીતિક પોસ્ટરો પર શહીદોની તસ્વીરોનો ઉપયોગ થવો અયોગ્ય :નાણામંત્રી અરુણ જેટલીએ કહ્યું કે, સશસ્ત્ર દળો દ્વારા કરવામાં આવેલી સર્જીકલ સ્ટ્રાઇક અથવા હવાઇ હુમલો લોકસભા ચૂંટણી અભિયાનનો હિસ્સો ન હોવો જોઇએ access_time 12:51 am IST

  • આજે ભાજપ ખોલશે પતાઃ પ્રથમ યાદી આવશેઃ ૧૦૦ ઉમેદવારો જાહેર થશેઃ નવી દિલ્હીઃ આજે ભાજપ સંસદીય પક્ષની બેઠક મળી રહી છેઃ ૧૦૦ જેટલા ઉમેદવારો જાહેર કરાશેઃ પ્રથમ યાદીમાં જ પીએમ મોદીનું નામ હશેઃ તેઓ વારાણસીથી ચૂંટણી લડશેઃ બિહાર માટેના નામોનું એલાન થઇ શકે છે. આ ઉપરાંત પ.યુપી, ઉત્તરાખંડ, દિલ્હી, પ.બંગાળ, ઓડીશા, મહારાષ્ટ્રના પણ કેટલાક નામો હશેઃ તેલંગણા અને આંધ્રની બધી બેઠકોના નામ જાહેર થશે કારણ કે ત્યાં ૧૧ અને ૧૮ એપ્રિલે મતદાન છે access_time 11:22 am IST

  • લોકસભા ચૂંટણી માટે કોંગ્રેસની ચોથી યાદી જાહેર :કેરળના 12,યુપીના 7,છત્તીસગઢના 5 અને અરુણાચલ પ્રદેશના 2 અને આંદામાન-નિકોબારના એક ઉમેદવાર જાહેર :શશી થરૂરને તિરૂવનંતપુરમ અને અરૂણચલ પ્રદેશના પૂર્વ સીએમ નાબા, ટૂંકીને અરુણાચલ પ્રદેશની ટિકિટ અપાઈ :કૈરાનામાં હરેન્દર મલિક,બીજનોરથી ઇન્દિરા ભાટી,મેરઠમાં ઓમપ્રકાશ શરમને અને અલીગઢની ચૌધરી વૃજેન્દ્રસિંહને ટિકિટ access_time 12:55 am IST