Gujarati News

Gujarati News

News of Saturday, 16th March 2019

વચગાળાના જામીન પર છુટીને ફરાર થઇ ગયેલો બળાત્કારનો આરોપી રૂખડીયાપરામાંથી ઝડપાયો

પેરોલ ફરલો સ્કવોડની ટીમે ઇમ્તિયાઝ ઉર્ફ બાડાને પકડી જેલમાં રજૂ કર્યો

રાજકોટઃ બળાત્કારના કેસમાં વચગાળાના જામીન પર છુટ્યા બાદ ફરાર થઇ ગયેલા પાકા કામના કેદી ઇમ્તિયાઝ ઉર્ફ બાડો સિદ્દીકભાઇ શેખ (ઉ.૩૫-રહે. રૂખડીયાપરા, રાજીવનગર મફતીયાપરા)ને પેરોલ ફરલો સ્કવોડની ટીમે  પકડી લઇ જેલમાં રજૂ કર્યો છે. રૂખડીયામાં હાજીપીરની દરગાહ પાસે રહેતાં ઇમ્તિયાઝ ઉર્ફ બાડાને  રાજકોટ જેલમાંથી તા. ૧૪/૨/૧૯ થી ૧૮/૨ સુધીના વચગાળાના જામીન મળ્યા હતાં. પરંતુ મુદ્દત પુરી થયા બાદ ૧૯મીએ હાજર ન થઇ ફરાર થઇ ગયો હતો. આ શખ્સ સાંજે રૂખડીયાપરા ફાટક પાસે આંટાફેરા કરતો હોવાની બાતમી પેરોલ ફરલોના કોન્સ. જયદેવસિંહ પરમાર, જયપાલસ્િંહ ઝાલા અને કિશોરદાન ગઢવીને મળતાં પીએસઆઇ બી. કે. ખાચર, હેડકોન્સ. ધર્મેન્દ્રસિંહ જાડેજા, દિગ્વીજયસિંહ જાડેજા, બકુલભાઇ વાઘેલા, મધુકાંત સોલંકી, કોન્સ. મયુરસિંહ ઝાલા, ધીરેનભાઇ ગઢવી, મહમદઅઝહરૂદ્દીન, જગદીશ ગઢવી, ચંદ્રકાંતભાઇ ગોંડલીયા સહિતે પકડી લીધો હતો. વચગાળાના જામીન પર છુટ્યા બાદ ફરાર થઇ ગયેલા શખ્સોને શોધી કાઢવા પોલીસ કમિશનર મનોજ અગ્રવાલ, જોઇન્ટ પોલીસ કમિશનર સિધ્ધાર્થ ખત્રી, ડીસીપી રવિકુમાર સૈની, ડીસીપી મનોહરસિંહ જાડેજા, એસીપી ક્રાઇમ જે. એચ. સરવૈયાએ સુચના આપી હોઇ તે અંતર્ગત આ કામગીરી થઇ હતી. (૧૪.૬)

(4:05 pm IST)
  • રાજનીતિક પોસ્ટરો પર શહીદોની તસ્વીરોનો ઉપયોગ થવો અયોગ્ય :નાણામંત્રી અરુણ જેટલીએ કહ્યું કે, સશસ્ત્ર દળો દ્વારા કરવામાં આવેલી સર્જીકલ સ્ટ્રાઇક અથવા હવાઇ હુમલો લોકસભા ચૂંટણી અભિયાનનો હિસ્સો ન હોવો જોઇએ access_time 12:51 am IST

  • કોંગ્રેસ કેન્દ્રીય ચૂંટણી સમિતિએ લોકસભા ચૂંટણીની ત્રીજી યાદી પ્રસિદ્ધ કરી access_time 1:27 am IST

  • લોકસભા ચૂંટણી માટે કોંગ્રેસની ચોથી યાદી જાહેર :કેરળના 12,યુપીના 7,છત્તીસગઢના 5 અને અરુણાચલ પ્રદેશના 2 અને આંદામાન-નિકોબારના એક ઉમેદવાર જાહેર :શશી થરૂરને તિરૂવનંતપુરમ અને અરૂણચલ પ્રદેશના પૂર્વ સીએમ નાબા, ટૂંકીને અરુણાચલ પ્રદેશની ટિકિટ અપાઈ :કૈરાનામાં હરેન્દર મલિક,બીજનોરથી ઇન્દિરા ભાટી,મેરઠમાં ઓમપ્રકાશ શરમને અને અલીગઢની ચૌધરી વૃજેન્દ્રસિંહને ટિકિટ access_time 12:55 am IST