Gujarati News

Gujarati News

News of Saturday, 16th March 2019

રખડતું જીવન જીવતાં જયપ્રકાશનગરના કાનજીભાઇ મહેશ્વરીની લાશ મળી

અમુલ સર્કલથી ૮૦ ફુટ રોડ પરના મેદાનમાં બનાવઃ હાર્ટએટેક આવ્યાની શકયતા

રાજકોટ તા. ૧૬: અમુલ સર્કલથી ૮૦ ફુટ રોડ પર એનએસઆઇસીના નજીકના મેદાનમાંથી સાંજે અજાણ્યા પુરૂષની લાશ મળી આવતાં થોરાળા પોલીસે પોસ્ટ મોર્ટમ માટે ખસેડી હતી. આ લાશ ભગવતીપરા જયપ્રકાશનગરમાં રહેતાં અને હાલમાં રખડતું જીવન જીવતાં કાનજીભાઇ લક્ષમણભાઇ થારૂ (કચ્છી મહેશ્વરી) (ઉ.૪૫)ની હોવાનું ખુલ્યું છે.

મૃતક કાનજીભાઇને ભાઇઓ  છે અને બે પુત્ર કચ્છમાં રહે છે. પોતે જયપ્રકાશનગરમાં ગમે ત્યાં જમી લઇ ગમે ત્યાં સુઇ જતાં હતાં. તેમજ ગમે ત્યારે કોઇપણ ટ્રકમાં કલીનર તરીકે કામ કરી આવતાં હતાં. ગઇકાલ સાંજે તે વિસ્તારમાં જોવા ન મળતાં મિત્ર જગદીશભાઇને શોધખોળ હાથ ધરી હતી. દરમિયાન હાથમાં કાનજી નામ ત્રોફાવેલા વ્યકિતની લાશ મળ્યાની જાણ થતાં જગદીશભાઇએ હોસ્પિટલે પહોંચી લાશ જોતાં તે તેના મિત્ર કાનજીભાઇ મહેશ્વરીની જ હોવાનું જણાતાં થોરાળા પોલીસ મથકે પહોંચી માહિતી આપી હતી. એએસઆઇ જે. કે. જાડેજાએ જરૂરી કાર્યવાહી કરી હતી. હાર્ટએટેકથી કે બિમારીથી મોત થયાનું પોલીસનું પ્રાથમિક તારણ છે.

(10:27 am IST)
  • છોટાઉદેપુરના નસવાડી તાલુકાના ઘેઁશવાડી ગામે ઘટના : સેન્ટરીંગ અને મિક્સર મશીનનો સામાન ભરીને જતી વખતે અને શ્રમજીવીઓ ને લઈ જતો ટેમ્પો પલ્ટી માર્યો :એક શ્રમજીવી મહીલા ઘટના સ્થળે નું મોત નિપજયું : અન્ય 6 મજૂરો ઘાયલ : 4 મજૂરો ને સારવાર અર્થે વડોદરા એસ.એસ.જી માં ખસેડાયા: 2 મજૂરો ને નસવાડી સામૂહિક આરોગ્ય કેન્દ્ર ખાતે સારવાર ચાલી રહયા છે access_time 2:10 pm IST

  • લોકસભા ચૂંટણી માટે કોંગ્રેસની ચોથી યાદી જાહેર :કેરળના 12,યુપીના 7,છત્તીસગઢના 5 અને અરુણાચલ પ્રદેશના 2 અને આંદામાન-નિકોબારના એક ઉમેદવાર જાહેર :શશી થરૂરને તિરૂવનંતપુરમ અને અરૂણચલ પ્રદેશના પૂર્વ સીએમ નાબા, ટૂંકીને અરુણાચલ પ્રદેશની ટિકિટ અપાઈ :કૈરાનામાં હરેન્દર મલિક,બીજનોરથી ઇન્દિરા ભાટી,મેરઠમાં ઓમપ્રકાશ શરમને અને અલીગઢની ચૌધરી વૃજેન્દ્રસિંહને ટિકિટ access_time 12:55 am IST

  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST