Gujarati News

Gujarati News

News of Saturday, 16th March 2019

જંગલેશ્વરમાંથી ઇમરાનને કારમાં નાંખી ખાડામાં લઇ જઇ ૪ શખ્સોએ ધોકાવ્યો

એક વર્ષ જુના મનદુઃખને લીધે સાગર, હુશેન, નઝીર અને બબલુએ ધોલધપાટ કરી

રાજકોટ તા. ૧૬: કોઠારીયા રોડ હુડકો ચોકડી પાસે વિનોદનગરમાં રહેતાં ઇમરાન અબ્દુલભાઇ પરમાર (ઉ.૨૨) નામના ઘાંચી યુવાનને સાંજે છએક વાગ્યે જંગલેશ્વરમાં હતો ત્યારે ચાર શખ્સોએ જુના મનદુઃખને લીધે કારમાં બેસાડી ખાડામાં લઇ જઇ ઢીકા-પાટુનો માર માર્યા બાદ ત્યાં જ છોડી દઇ ભાગી જતાં ઇમરાનને સારવાર માટે સિવિલ હોસ્પિટલે ખસેડાયો હતો.

હોસ્પિટલ ચોકીના સ્ટાફની પ્રાથમિક પુછતાછમાં તેણે પોતાને સાગર, હુશેન, નઝીર અને બબલુ કારમાં બેસાડી લઇ ગયા બાદ માર માર્યાનું જણાવતાં ભકિતનગર પોલીસ મથકમાં એન્ટ્રી નોંધાવાઇ હતી. જો કે ટુંકી સારવાર બાદ ઇમરાને રજા લઇ લીધી હતી.

તેના માતા ફાતેમાબેન અબ્દુલભાઇના કહેવા મુજબ એકાદ વર્ષ પહેલા ઇમરાન અને સાગર બાવાજી વચ્ચે મોબાઇલ બાબતે પોલીસ કેસ થયો હોઇ તેના મનદુઃખને લીધે ઇમરાનને કારમાં નાંખી જંગલેશ્વરના ખાડામાં લઇ જઇ ધોલધપાટ કરાઇ હતી.

(10:27 am IST)
  • છોટાઉદેપુરના નસવાડી તાલુકાના ઘેઁશવાડી ગામે ઘટના : સેન્ટરીંગ અને મિક્સર મશીનનો સામાન ભરીને જતી વખતે અને શ્રમજીવીઓ ને લઈ જતો ટેમ્પો પલ્ટી માર્યો :એક શ્રમજીવી મહીલા ઘટના સ્થળે નું મોત નિપજયું : અન્ય 6 મજૂરો ઘાયલ : 4 મજૂરો ને સારવાર અર્થે વડોદરા એસ.એસ.જી માં ખસેડાયા: 2 મજૂરો ને નસવાડી સામૂહિક આરોગ્ય કેન્દ્ર ખાતે સારવાર ચાલી રહયા છે access_time 2:10 pm IST

  • રાજનીતિક પોસ્ટરો પર શહીદોની તસ્વીરોનો ઉપયોગ થવો અયોગ્ય :નાણામંત્રી અરુણ જેટલીએ કહ્યું કે, સશસ્ત્ર દળો દ્વારા કરવામાં આવેલી સર્જીકલ સ્ટ્રાઇક અથવા હવાઇ હુમલો લોકસભા ચૂંટણી અભિયાનનો હિસ્સો ન હોવો જોઇએ access_time 12:51 am IST

  • બીસીસીઆઈ શહીદોના પરિવારોની વહારે :શહીદોને પરિવારની મદદ માટે ભારતીય ક્રિકેટ કંટ્રોલ બોર્ડ 20 કરોડ રૂપિયા આપશે access_time 10:36 pm IST