Gujarati News

રાજકોટ તા. ૧૬ :.. રાજરાજેશ્વર ચેરીટેબલ ટ્રસ્ટ દ્વારા પ્રતિ વર્ષની જેમ ચાલુ વર્ષે પણ સમસ્ત રાજગોર બ્રાહ્મણ જ્ઞાતિના (કાઠી) તેજસ્વી વિદ્યાર્થી ભાઇ-બહેનોને પુરસ્કૃત કરવા માટેના સંગીત સાથે સરસ્વતી સન્માન સમારોહ ર૦૧૮-૧૯ નું ભવ્ય આયોજન ચાલુ આ માસમાં સંસ્થાના પ્રમુખ ઇન્દ્રનીલભાઇ રાજયગુરૂ, ઉપપ્રમુખ જતીનભાઇ ભરાડ મહામંત્રી ધીરૂભાઇ મહેતા અને જ્ઞાતિના આગેવાનોની પ્રેરક ઉપસ્થિતીમાં કરવામાં આવશે.

આ સમારોહમાં એલ. કે. જી. થી પી. એચ. ડી. કક્ષા સુધીના તેજસ્વી વિદ્યાર્થીઓનું સન્માન કરાશે. તેજસ્વી વિદ્યાર્થીઓએ ઉર્તીણ કરેલ પરીક્ષામાં ૭૦ કે તેથી વધુ ટકાવારી હોવી જરૂરી છે.

ઉપરાંત આ સમારોહ સાથે સંસ્થા દ્વારા શિક્ષણ, સર્વિસ, રમત-ગમત, વ્યાવસાયિકો વિકાસ, કલા સંસ્કૃતિ, સાહિત્ય, પત્રકારત્વ, રાજકીય, સહકારી પ્રવૃતિ, સેવાકીય, જ્ઞાતિ પ્રવૃતિમાં વિશિષ્ટ સિધ્ધિ હાંસલ કરનાર વ્યકિતનું સન્માન તેમજ નારી રત્ન એવોર્ડ સમારોહ યોજાશે.

આ કાર્યક્રમમાં ભાગ લેવા ઇચ્છતા વિદ્યાર્થીઓ, વ્યકિતઓએ તેમનું નામ, સરનામું, મોબાઇલ નંબર, શૈક્ષણીક લાયકાત, મેળવેલ માકર્સ, ટકા, ગ્રેડ, શાળા-કોલેજનું નામ સાથેની અરજી અને તેની સાથે છેલ્લે પાસ કરેલ પરીક્ષાની માર્કશીટની પ્રમાણીત નકલ સાથે તા. ૧૦ ફેબ્રુઆરી ર૦૧૯ સુધીમાં મોકલવાનું રહેશે.

આ માટેનાં નિયત અરજી પત્રક સંસ્થાના કાર્યાલય રાજરાજેશ્વર ચેરીટેબલ ટ્રસ્ટ (બ્રહ્મ સંગમ કાર્યાલય), 'સ્પેસ કોમ્પ્લેક્ષ' બીજો માળ, ર૧-રર ન્યુ જાગનાથ કોર્નર, મહાકાળી મંદિર રોડ, 'રોયલ કેસર' એપાર્ટમેન્ટ સામે, રાજકોટ (૦ર૮૧-ર૪૬૩ર૪૭) ખાતે મોકલવા કન્વીનર લલીતભાઇ ધાંધીયાની યાદીમાં જણાવાયું છે. (પ-રપ)