Gujarati News

રાજકોટઃ પ્લાસ્ટીકની વસ્તુઓમાં ધીમા પગલે ભાવવધારો આવી રહ્યો છે. ઉપરથી રો- મટીરીયલની આવક ખૂબ જ ઓછી થઈ રહી હોય ૨૫ થી ૩૫ ટકાનો ભાવવધારો ઝીંકાયો હોવાનું જાણવા મળે છે.

ચર્ચાની વિગતો મુજબ પ્લાસ્ટીકના ઝબલા સહિતની વસ્તુઓ જેના પરથી બનતી હોય તેનું રો- મટીરીયલની સપ્લાય ખૂબ જ ઓછી થઈ રહી છે. ખાનગી કંપનીઓમાંથી જ માલની સપ્લાય પૂરી પાડવામાં આવતી નથી. જેના લીધે કાળા બજાર થઈ રહ્યા છે. પ્લાસ્ટીકના ઝબલાનો ૧ કિલોએ હાલ ૧૭૦ થી ૨૦૦ રૂા. ભાવ છે.

પીવીસી પાઈપમાં પણ ૬૦ થી ૭૦ ટકાનો ભાવવધારો થયાનું જાણવા મળે છે. ક્રૂડના ભાવો વધ્યા નથી. આમ છતાં પણ પ્લાસ્ટીકના રો- મટીરીયલ્સમાં કાળાબજાર થઈ રહ્યાનું જાણવા મળે છે.