Gujarati News

રાજકોટઃ શહેરનાં ગાંધીગ્રામ વિસ્તારમાં આશાપુરા સેવા સમાજ ટ્રસ્ટ દ્વારા આશાપુરા મંદિરે છેલ્લા ૧૮ વર્ષથી  નવરાત્રી મહોત્સવનું આયોજન કરવામાં આવે છે. દરરોજ તાલીરાસ, દંાડીયા રાસ, ખંજરી રાસ, તલવાર રાસ સહિતનાં ૧૦ થી ૧૫ અવનવા રાસની રમઝટ ૪૪ બાળાઓ બોલાવી રહી છે. આ ગરબીઓની બાળાઓને  ૨૦ દિવસથી પ્રેકટીસ કરાવવામાં આવે છે. આ ગરબી વિસ્તારવાસીઓ મોટી સંખ્યામાં નિહાળે છે. આ ગરબીમાં દર વર્ષ દિકરીઓને સોના-ચાંદીની વગેરે વસ્તુની લ્હાણી આપવામાં આવે છે. આ ગરબીમાં ઉમેદસિંહ જાડેજા, રીનાબેન, મીનાબા જાડેજા, નરોતમભાઇ, બટુક ભાઇ સહિત તેઓ ગાયક તરીકે સેવા આપી રહ્યા છે. સમગ્ર આયોજનમાં દેવેન્દ્રસિંહ ઝાલા, ભગવતસિંહ જાડેજા, પ્રવિણસિંહ ઝાલા, નીધીબા જાડેજા, પ્રધ્યુમનસિંહ ચુડાસમા વગેરે જહેમત ઉઠાવી રહ્યા છે.(અશોક બગથરીયા)