Gujarati News

Gujarati News

News of Saturday, 15th September 2018

''રાજકોટ કા રાજા''ના આંગણે રૂપાણી દંપતિઃ મહાઆરતીનો લાભ લીધો

રાજકોટઃ મધુવન કલબ દ્વારા ગણપતિ મહોત્સવ ''રાજકોટ કા રાજા''ના લોક દરબારમાં મુખ્યમંત્રી શ્રી વિજયભાઈ રૂપાણી અને શ્રીમતિ અંજલીબેન રૂપાણીએ ગણપતિજી સાથે રીધ્ધી- સીધ્ધી માતાજીની આરતીને અનેરો લહાવો લીધો હતો. ઉપરાંત ભારતમાં પ્રચલીત એવું શીવતાંડવ નૃત્ય તેમજ સૌરાષ્ટ્ર અને ગુજરાતમાં પણ નામાંકીત એવા કલકારો સંગ અદ્દભુત અજોડ આદીવાસી નૃત્યની મજા ''રાજકોટ- કા રાજા''ના હજારો લોકોએ માણી હતી. આજે રાત્રે ''રાજકોટ- કા- રાજા'' લોક દરબારમાં નેશનલ લેવલે ફેમસ એવા આઈજીટી (ઈન્ડિયાસ ગોટ ટેલેન્ટ)નાં કલાકારો દ્વારા ડાન્સ પરર્ફોમન્સ કરવામાં આવશે અને નાના- મોટા અન્ય બાળકો દ્વારા ડાન્સ કોમ્પીટીશન પણ રાખવામાં આવેલ છે. જયારે આવતીકાલે ફકત બહેનો માટે દાંડીયા રાસ કોમ્પીટીશન રાખવામાં આવેલ છે. બહેનોએ ટ્રેડીશનલ વસ્ત્રો સાથે લીમડા ચોક, શાસ્ત્રીમેદાન ખાતે રાત્રે ૯ વાગ્યે હાજર રહેવું. દરરોજ ૧૦૮ ભાગ્યા વિધતા મહાઆરતીનો રોજબરોજ લહાવો આપવામાં આવે છે. જેનો લાભ લેવા આમંત્રણ અપાયું છે. આ આયોજનને સફળ બનાવવા મધુવન કલબ પ્રમુખ શ્રી આશિભાઈ વાગડિયા, શ્રી રાજભા ઝાલા, શ્રી રાજુભાઈ કિકાણી, શ્રી મહેશભાઈ જરીયા તથા શ્રી સનીભાઈ જરીયા તેમજ અન્ય કમીટી મેમ્બરો જહેમત ઉઠાવી રહ્યા છે.(૩૦.૧૧)

(3:43 pm IST)
  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST

  • નરેન્દ્રભાઈના સ્વચ્છતા અભિયાનમાં અમિતાભ અને રતન ટાટા જોડાયાઃ 'સ્વચ્છતા હી સેવા' અભિયાનનો પ્રારંભ : આજથી ૨ ઓકટોબર સુધી સ્વચ્છતા માટે યોગદાન આપવા વડાપ્રધાનની અપીલ : ૩ લાખ બાળકોની જીંદગી બચી, ૪ વર્ષમાં ૯ કરોડ શૌચાલયો બન્યા access_time 3:19 pm IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST