Gujarati News

Gujarati News

News of Saturday, 15th September 2018

સફાઇ અભિયાન અંતર્ગત રેલવે મંડળ દ્વારા સ્વચ્છતા પખવાડીયાની ઉજવણી

રાજકોટઃ સ્વચ્છતા પખવાડીયા અભિયાન નિમિતે રાજકોટ રેલવે મંડળ દ્વારા આજે રેલવે સ્ટેશનના તમામ વિભાગ પાસે  રેલવેના અધિકારીઓ અને કર્મચારીઓ દ્વારા પ્રભાત ફેરી કાઢવામાં આવી હતી. આ પ્રભાત ફેરી રેલ મંડળના ડીઆરએમ પી.બી.નિનાવેના નેતૃત્વ હેઠળ કાઢવામાં આવી હતી. જેમાં એડીઆરએએમ એસ.એસ.યાદવ, વરિષ્ઠ મિકેનીકલ એન્જીનીયર  અંશુમાલી કુમાર તથા અન્ય કર્મચારીઓ અને સરદાર પટેલ વિદ્યામંદિર સ્કુલના વિદ્યાર્થીઓ પણ જોડાયા હતા અને રેલવે સ્ટેશનની ડીઆરએમ પી.બી.નિનાવેએ ઓફીસના પ્રાંગણમાં રેલવેના અધિકારીઓને તથા કર્મચારીઓને 'સ્વચ્છતા શપથ' લેવડાવ્યા હતા. આ પખવાડીયાના પ્રથમ દિવસે રેલવેના તમામ વિભાગો આસપાસ સફાઇ કરવામાં આવી હતી અને રાજકોટ રેલવે સ્ટેશન પર લોકોમાં સ્વચ્છતાની જાગૃતતા આવે તે માટે રેલવે કર્મચારીઓ દ્વારા નુક્કડ નાટકનું આયોજન કર્યુ હતું. આ ઉપરાંત રાજકોટ મંડળ હેઠળના જામનગર, સુરેન્દ્રનગર, મોરબી, વાંકાનેર, દ્વારકા અને ઓખા સહિતના નાના-મોટા સ્ટેશનો ઉપર સફાઇ અભિયાન ચલાવવામાં આવ્યું હતું. (૪.૧૦)

 

(3:32 pm IST)
  • સાવરકુંડલાના ઘોબા અને ભમોદરા માં ધોધમાર વરસાદ:અડધો ઇંચ વરસાદ ખાબકતા ઘોબા ની બજારો થઈ પાણી પાણી:ખેડૂતો માટે આશીર્વાદ સમાનનો વરસાદ:રસાદને કારણે ખેડૂતોમાં ખુશહાલી access_time 8:28 pm IST

  • એક દેશ એક ચૂંટણી થાય : અમિત શાહઃ ભાજપના રાષ્ટ્રીય અધ્યક્ષે કહ્યું એક દેશ એક ચૂંટણી થાય: જે સમર્થનમાં હતા તે હવે ફરી ગયાઃ દેશમાં લોકસભા - વિધાનસભા ચૂંટણી એક સાથે યોજાય : ચંદ્રશેખરે કેમ વધાર્યા ચૂંટણી ખર્ચ : તેલંગણામાં ભાજપ મજબૂતીથી લડશે access_time 3:18 pm IST

  • કચ્છ ના ખાવડા સહિતના વિસ્તારોમાં 3.6 તિવ્રતાના ભૂકંપના આંચકા : ભૂકંપના કારણે અફરાતફરીનો માહોલ સર્જાયો : ખાવડાથી 25 કીમી દૂર ભૂકંપનું કેન્દ્રબિંદુ નોંધાયુ : તલાલા, બોટાદ, સુરેન્દ્રનગર, રાપર, દૂધઈમાં પણ હળવો ભૂકંપ અનુભવાયો access_time 1:36 am IST