Gujarati News

Gujarati News

News of Friday, 14th September 2018

ત્રિકોણ બાગે ગજાનન ભકિત : આજે હાસ્ય દરબાર અને કાલે બાળકોનો ટેલેન્ટ શો

રાજકોટ : ત્રિકોણબાગ દુંદાળા દેવની ભકિતમાં ઓળઘોળ બન્યો છે. ગઇ કાલે 'ત્રિકોણબાગ કા રાજા' નું વાજતે ગાજતે સ્થાપન કરાયુ હતુ. ૧૯ માં વર્ષ આયોજીત આ મહોત્સવના પ્રથમ દિવસે દર્શનાર્થીઓની અભૂતપૂર્વ ઉપસ્થિત રહી હતી. આત્મિય સ્વામીનારાયણ સંકુલના સંતોએ સમુહ આરતીમાં સામેલ થઇને ગણેશ વંદના કરી હતી. શહેરના વિવિધ ક્ષેત્રના મહાનુભાવો આત્મિય કોલેજના નલિનભાઇ ઝવેરીનો પરિવાર, ડી.આર.એમ. પ્રભાકર નિમાવેનો પરિવાર, આન હોન્ડાના ડાયરેકટર આનંદ રાડીયા, જનરલ મેનેજર અમિત મેગન, એરીયા મેનેજર આકાશ સેન, પૃથ્વીસિંહજી જાડેજા, પરીન ટાટા મોટર્સના ઉમેશભાઇ નંદાણી, પરીનભાઇ, દર્શીલભાઇ નંદાણી, રાજીવ ભટનાગર, અભિષેક પાનસુરીયા, એલ.આઇ.સી.ના નિતીનભાઇ વાઘેલા, રસિકભાઇ ગોહેલ, શહેરના ગણમાન્ય શ્રેષ્ઠીઓ, રામભાઇ આહીર, સમીર પટેલ, ગૌતમ પટેલ, વનરાજસિંહ ગોહીલ, જયેશભાઇ જોષી, આજકાલ અખબારના રાજુભાઇ વાડોલીયા, વગેરેએ સમુહ આરતીનો લાભ લીધો હતો. મહોત્સવના પ્રારંભે સ્વામીનારાય સંત સર્વાતિત સ્વામિ અને હરિદાસ સ્વામીજીના હસ્તે 'ત્રિકોણબાગ કા રાજા' ની મોબાઇલ એપ્લીકેશન ખુલ્લી મુકાઇ હતી. જેથી હવે ગુગલ પ્લે સ્ટોરમાંથી સૌ કોઇ ત્રિકોણબાગ કા રાજા ગણપતિ મહોત્સવનું લાઇવ પ્રસારણ માણી શકશે. ગઇકાલે પ્રથમ દિવસે અભિનવ બારોટ પ્રસ્તુત ગણેશ વંદના રજુ થઇ હતી. આજે બીજા દિવસે શુક્રવારે હાસ્ય કલાકારો હાસ્યની રંગત જમાવશે. જયારે કાલે શનિવારે નાના બાળકો માટે શ્લોક સ્પર્ધા તેમજ શાળાના બાળકો માટે ડાન્સ એકેડેમીના સહયોગથી ડાન્સ ટેલેન્ટ શો યોજવામાં આવેલ છે. સમગ્ર આયોજનને સફળ બનાવવા આયોજક જીમ્મી અડવાણીના માર્ગદર્શન હેઠળ ચંદુભાઇ પાટડીયા, નિલેષભાઇ ચૌહાણ, અભિષેક કણસાગરા, જયપાલસિંહ જાડેજા, પ્રભાત બાલાસરા, ભરત રેલવાણી, કમલેશ સંતુમલાણી, વિમલ નૈયા, દિનેશગીરી અપારનાથી, અર્જુન બાવળીયા, વિક્રમ બાવળીયા, કુમારપાલ ભટ્ટી, નાગજી બાંભવા, બિપીન મકવાણા, રાજન દેસાણી, જેસલ ઝાલા, ભાવિન અધ્યારૂ, સંજય ટાંક વગેરે એવા આપી રહયા છે. (૧૬.૩)

(4:05 pm IST)
  • નરેન્દ્રભાઈના સ્વચ્છતા અભિયાનમાં અમિતાભ અને રતન ટાટા જોડાયાઃ 'સ્વચ્છતા હી સેવા' અભિયાનનો પ્રારંભ : આજથી ૨ ઓકટોબર સુધી સ્વચ્છતા માટે યોગદાન આપવા વડાપ્રધાનની અપીલ : ૩ લાખ બાળકોની જીંદગી બચી, ૪ વર્ષમાં ૯ કરોડ શૌચાલયો બન્યા access_time 3:19 pm IST

  • ઉ.પ્ર.ના આઝમગઢમાં આંબેડકર પાર્કમાં આંબેડકરજીની મૂર્તિ સાથે ચેડાઃ તોડ ફોડઃ પોલીસ દ્વારા નરાધમોને ઝડપી લેવા પ્રયાસોઃ મૂર્તિ નવી મૂકવા તજવીજ હાથ ધરાઈ access_time 11:58 am IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST