Gujarati News

Gujarati News

News of Thursday, 15th August 2019

સાબરમતી જેલમાં બહેનોએ બાંધી રાખડી, તો રાજકોટમાં મહિલા પોલીસકર્મીઓ રસ્તાઓ પર નિયમભંગ કરતા વાહન ચાલકોને રાખડી બાંધીને અનોખી રીતે રક્ષાબંધનનો પર્વ ઉજવ્યો

રાજકોટ : રક્ષાબંધનના તહેવારની સમગ્ર દેશમાં ધામધૂમથી ઉજવણી થઈ રહી છે, ત્યારે અમદાવાદના સાબરમતી સેન્ટ્રલ જેલમાં પણ કેદીઓને બહેનોએ રાખડી બાંધી રક્ષાબંધન પર્વની ઉજવણી કરી હતી. રાખડી બાંધતા સમયે બહેનોની આંખોમાંથી ખુશીના અશ્રુ છલકી પડતા હતા.

જેલમાં બંધ ભાઈઓને રાખડી બાંધવા મોટી સંખ્યામાં બહેનો ઉમટી પડી હતી. જુદા જુદા ગુનામાં સજા કાપતા ભાઈને જોતા જ બહેનોમા આખો માં ખુશી છલકાઈ રહી હતી. બહેનોએ વિધિવત રીતે પોતાના કેદી ભાઈને કંકુ-ચાંદલા કરી રાખડી બાંધી મોઢુ મીઠુ કરાવી રક્ષાબંધન તહેવારની ઉજવણી કરી હતી.

સાબરમતી સેન્ટ્રલ જેલમાં કાચા કામના 1900 અને પાકા કામના 900 કેદી મળીને 2800 જેટલા કેદી છે. જેના કારણે જેલ સત્તાધીશોએ રક્ષાબંધનના તહેવારે બહેનોને અગવડ ન પડે તે માટે સંપૂર્ણ તૈયારીઓ અગાઉથી કરી લીધી હતી. બહેનોનો વધારો ઘસારો હોવાના કારણે જેલ સત્તાધીશોએ ચુસ્ત પોલીસ બંદોબસ્ત પણ રાખ્યો હતો.

રાજકોટ શહેર પોલીસ દ્વારા રક્ષાબંધનની અનોખી ઉજવણી કરવામાં આવી હતી. ટ્રાફિક બ્રિગેડની બહેનો દ્વારા આજે વાહનચાલકો જે લોકોએ હેલ્મેટ નથી પહેર્યું તેવોને રાખડી બાંધી હતી. મહિલા પોલીસકર્મીઓએ રાખડી બાંધીને હેલ્મેટ પહેરીને નીકળવાની વચન માગ્યું હતું.

(3:29 pm IST)
  • ભારતના 73 માં સ્વાતંત્ર્ય દિન નિમિત્તે ગૂગલે ડુગલ બનાવ્યું : કોપનહેગનમાં રહેતી ભારતીય કલાકાર શૈવાલિની કુમારએ બનાવેલા ડુગલમાં ભારતીય વસ્ત્રોના નમૂના, ભારતીય સંસ્કૃતિ દર્શાવતી તસવીરો, તેમજ શિક્ષા, કલા, શક્તિ અને કરુણાનું અદભુત નિદર્શન access_time 1:21 pm IST

  • તાતા સન્સના ચેરમેન શ્રી ચંદ્રશેખરનને દર વર્ષે રૂ. ૬૫.૬૬ કરોડનો વાર્ષિક પગાર મળે છે. મહિને લગભગ સાડા પાંચ કરોડ તેઓ મેળવે છે. access_time 12:06 am IST

  • પાટણમાં વિરામ બાદ ફરી મેઘરાજાની એન્ટ્રી : શહેરમાં બે ઈંચ કરતા વધુ વરસાદ ખાબકયો : ઠેર - ઠેર રસ્તાઓમાં પાણી ભરાયા access_time 6:47 pm IST