Gujarati News

Gujarati News

News of Wednesday, 15th August 2018

રાજકોટની આર.ડી.ગારડી કોલેજ પાસે ૨ કાર વચ્‍ચે ટક્કરઃ સ્‍મિત વરસાણી-જેન્‍સી વાટલીયાના મોતઃ ૨ ગંભીર

રાજકોટઃ રાજકોટ-કાલાવડ વચ્‍ચે આણંદપર,છાપરા નજીક આવેલ ગાર્ડી કોલેજ પાસે બે કાર વચ્‍ચે અકસ્‍માત સર્જાતા ર વ્‍યક્‍તિના મોતથી અરેરાટી વ્‍યાપી ગઇ છે.

પ્રાપ્ત માહિતી મુજબ આજે સાંજે ૪ વાગ્‍યા આસપાસ હોન્‍ડા સીટીકાર (નં.જી.જે.૦૧-આરઇ-૫૯૨૩) અને અન્‍ય કાર (જી.જે.૦૩ જેઆર ૭૨૩૪) વચ્‍ચે  અકસ્‍માત સર્જાયો હતો.

આ અકસ્‍માતમાં સુરતના પુણાગામમા રહેતા જેન્‍સીબેન મનસુખભાઇ વાટલીયા (ઉ.વ.૧૯) અને જામકંડોરણાના કાનાવડાળાના સ્‍મિત પ્રકાશભાઇ વરસાણી (ઉ.૧૮-પટેલ)ના ઘટના સ્‍થળે મોત નીપજયા હતા જયારે બે વ્‍યક્‍તિને ગંભીર હાલતમાં સારવાર માટે રાજકોટ સિવીલ હોસ્‍પિટલમાં ખસેડેલ છે.

આ અકસ્‍માતમાં મોતને ભેટેલ સ્‍મીત વરસાણી એન્‍જીનીયરીંગનો અભ્‍યાસ કરે છે અને એક ભાઇ-બહેનમા નાનો હતો જયારે જેન્‍સી વાટલીયા એક ભાઇ અને બહેનમા મોટી હતી. તેના પિતા રત્‍ન કલાકાર છે.

આ અકસ્‍માતમાં સુરતના પુણામાં રહેતા પૂજા દેવરાજભાઇ ડોબરીયા (ઉવ.૨૨) અને પિયુષ શૈલેષભાઇ વરસાણી (ઉ.વ.૩૦)ને ગંભીર હાલતમાં રાજકોટ વોકહાર્ટ હોસ્‍પિટલમાં ખસેડેલ છે.

આ બનાવમાં ગાંધીગ્રામ પોલીસ મથકના પીએસઆઇ એમ.એમ.સોલંકી, એએસઆઇ- આર.એચ.કોડીયાતર દીનેશભાઇ શીવભદ્રસિંહે પ્રાથમીક કાગળો કરી લોધીકા મોકળ્‍યા છે. (૭.૨૧)

 

(8:26 pm IST)
  • રાહુલ ગાંધીના છબરડા !!પાંચ મહિના ચાર વખત બદલી રાફેલ વિમાનની કિંમત :યુપીએ કાર્યકાળમાં રાફેલ ડીલની અલગ અલગ કિંમતોને ટાંકીને સરકાર પર કરે છે પ્રહાર :પાર્ટી પણ પરેશાન : સોશ્યલ મીડિયામાં પણ થાય છે ટ્રોલ :29મી એપ્રિલે યુપીએ અને મોદીના કાર્યકાળમાં કિંમત ની તુલના કરી ;રાહુલે કહ્યું યુપીએ વખતે 700 કરોડમાં વિમાન પડતું હતું :3જી મેં એ કર્ણાટકમાં રાહુલે કહ્યું મોદીસી સરકારે રાફેલ માટે 1500મ કરોડમાં સમજૂતી કરી :29મી જુલાઈએ લોકસભામાં રાફેલની કિંમત 520 કરોડ જણાવી access_time 1:26 am IST

  • ૨૦૧૯માં પોરબંદર લોકસભાની બેઠક ભાજપ ગુમાવશે : લલીત વસોયા : અહિંના કોંગી ધારાસભ્ય શ્રી લલીત વસોયાએ કહ્યું છે કે ૨૦૧૯માં જીતવુ હોય તો ભાદર બચાવો, ભાદરને દુષિત થતી અટકાવવા પગલા લ્યો : ભાદરને શુદ્ધ નહિં કરાય તો ૨૦૧૯માં પોરબંદરની બેઠક ભાજપ ગુમાવશે access_time 4:40 pm IST

  • નરેન્દ્રભાઈ મોદી એક મોડલ છે એક હીરો છે ;ચીફ જસ્ટિઝ પટના હાઇકોર્ટ :જસ્ટિઝ મુકેશ રસિકભાઈ શાહ પટના હાઇકોર્ટના ચીફ જસ્ટિઝ બન્યા :રાજ્યપાલ સત્યપાલ મલિકે લેવડાવ્યા શપથ :જસ્ટિઝ શાહ આ પહેલા ગુજરાત હાઇકોર્ટમાં જજ હતા :1982માં ગુજરાત હાઇકોર્ટમાં વકીલાત શરુ કરી હતી :એક ઇન્ટરવ્યૂમાં તેઓએ મોદીને મોડલ અને હીરો ગણાવ્યા હતા access_time 1:30 am IST