Gujarati News

Gujarati News

News of Sunday, 15th April 2018

રાજકોટનાં પૂર્વ જીલ્લા સરકારી વકીલ અને સીનીયર ધારાશાસ્ત્રી મોહનભાઇ સાયાણીનું દુઃખદ અવસાન

રાજકોટ : આશરે પચાસ વર્ષથી વધુ વકીલાતના વ્યવસાય સાથે સંકળાયેલ પીઢ ધારાશાસ્ત્રી શ્રી મોહનભાઇ સાયાણીનું આજરોજ  અવસાન થયેલ છે.

શ્રી મોહનભાઇ સાયાણીએ  ઘણા વર્ષે સુધી જીલ્લા સરકારી વકિલ તરીકે ફરજબજાવી અનેક ચર્ચાસ્પદ કેસોમાં કાયદાકીય લડત આપી સરકાર તરફે નિષ્ઠાપૂર્વક સફળ કામગીરી કરેલ હતી.

શ્રી મોહનભાઇ સાયાણીએ  અનેક ચકચારી કેસો જેવા કે ટાડા કેસ, મર્ડર કેસો,  કસ્ટોડીયલ ડેથ જેવા ચર્ચાસ્પદ કેસોમાં સરકાર તરફે સ્પેશીયલ પ્રોસીકયુયર તરીકે ફરજ બજાવેલ હતી.

શ્રી મોહનભાઇ સાયાણી યુવા વકીલોના આદર્શ હતા અને કોઇપણ જુનીયર વકીલને કોઇપણ સમયે મુશ્કેલી પડે તો તેમને હરહંમેશ મદદ કરતા, શ્રી મોહનભાઇ એ. એમ. પી. લો-કોલેજમાં પણ પાર્ટટાઇમ પ્રોફેસર તરીકે સેવા આપી અનેક વિદ્યાર્થીઓને માર્ગદર્શન પુરૂ પાડેલ છે.

હંમેશા હસતો ચહેરો અને વકીલોને મદદ કરવાની ભાવના ધરાવતા શ્રી મોહનભાઇ સાયાણીના નિધનથી વકીલ આલમમાં શોકનું મોજું ફેલાયેલ છે.

(3:02 pm IST)
  • રર દિવસ પહેલાં આણંદ જીલ્લાના પેટલાદ તાલુકાના વિરસદ નજીક આમીયાદ પાસેથી રહસ્યમય રીતે ગુમ થઈ ગયેલી યુવતી પર તેના જ મિત્રએ સુરતથી મુંબઈના પ્રવાસ દરમિયાન સ્લીપર કલાસ બસમાં ચાલુ બસે બંધ લાઈટ અને અંધકારનો લાભ લઈને દુષ્કર્મ ગુજાર્યું હોવાની ચોંકાવનારી ઘટના બનતાં વિરસદ પોલીસે ઘટના અંગે યુવતીની ફરીયાદના આધારે હેવાન બનીને દુષ્કર્મ ગુજારનાર સોલંકી નામધારી મિત્રની સામે ગુનો નોંધીને પકડી કાયદેસરની કાર્યવાહી હાથ ધરી છે. access_time 12:40 am IST

  • વિશ્વહિન્દુ પરિષદ ના આંતરરાષ્ટ્રીય અધ્યક્ષ પદેથી પ્રવીણ તોગડીયા ચૂંટણીમાં હારી જતા રાજકોટમાં તેમના સમર્થકો નારાજ થયા છે. રાજકોટમાં તોગડીયાના અમુક સમાર્થકોએ નારાજ થઇ રાજીનામુ આપવાની ચિમકી ઉચ્ચારી છે. રાજકોટ મહાનગર પૂર્વવિભાગના પ્રમુખ જેન્તીભાઈ પટેલે રાજીનામું આપી દીધું છે. પ્રવીણ તોગડીયા વિના વીએચપીમાં કામ કરવું મુશ્કેલ છે તેવુ જયંતીભાઈ પટેલનું કહેવું છે. તમને જણાવી દઇએ કે, જયંતીભાઈ છેલ્લા 25 વર્ષ થી વીએચપી સાથે જોડાયેલા છે. ત્યાં જ અમદાવાદમાં ચુંટણી પરિણામ બાદ VHP કાર્યકરો નારાજ થઇ ગયા હતાં અને મોટી સંખ્યામાં કાર્યકરોએ દેખાવો કર્યા હતાં. access_time 12:42 am IST

  • કેન્દ્રીય મંત્રી સત્યપાલ સિંહે શનિવારે કહ્યું કે અલ્પસંખ્યકોને અનેક અધિકારો મળેલા છે જ્યારે બહુસંખ્યકોને નથી. તેમણે છેલ્લા કેટલાય દાયકાઓમાં બંધારણની જે રીતે વ્યાખ્યા કરવામાં આવી છે તેના ઉપર ફરીથી વિચાર કરવાની વકીલાત કરી. કાયદા સામે બધા સમાન છે તેનો ઉલ્લેખ કરતા કેન્દ્રીય માનવ સંસાધન વિકાસ રાજ્યમંત્રીએ કહ્યું કે "છેલ્લા બે દાયકાઓમાં જે રીતે બંધારણની વ્યાખ્યા કરવામાં આવી અને કાયદાને પરિભાષિત કરવામાં આવ્યો તેના ઉપર ફરીથી વિચાર કરવાની જરૂર છે. આપણે તેના ઉપર ફરીથી વિચાર કરવો જોઈએ." access_time 12:41 am IST