Gujarati News

Gujarati News

News of Sunday, 15th April 2018

ભાયાસરમાં બળદે ઢીંક મારતાં જસમતભાઇ જાંબુકીયાનું મોત

રાજકોટઃ સરધાર નજીકના ભાયાસર ગામમાં રહેતાં જસમતભાઇ પોપટભાઇ જાંબુકીયા (ઉ.૫૨) પોતાની વાડીએ હતાં ત્યારે બળદને ચારો નાંખવા જતાં બળદે ઢીંક મારી દેતાં બેભાન થઇ જતાં સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું. આજીડેમ પોલીસ મથકના હેડકોન્સ. પંકજભાઇ દિક્ષીત અને વિપુલભાઇ રબારીએ જરૂરી કાર્યવાહી કરી હતી. બનાવથી પરિવારમાં શોક છવાઇ ગયો હતો.

(11:36 am IST)
  • ઉન્નાવ ગેંગરેપ મામલે ભાજપના ધારાસભ્ય કુલદીપ સિંહ સેંગરની સંડોવણીથી નારાજ અલાહાબાદના એક મહોલ્લાના લોકોએ પોતાનો વિરોધ અનોખી રીતે વ્યક્ત કર્યો છે. શહેરની શિવકુટી કોલોનીમાં ઘરોની બહાર પોસ્ટર જોવા મળ્યાં છે. જેમાં મહિલાઓની સુરક્ષાનો હવાલો આપતા ભાજપના નેતાઓ અને કાર્યકર્તાઓને આ વિસ્તારમાં ન આવવા માટે જણાવાયું છે. જો કે એ સ્પષ્ટ નથી થયું કે આ પોસ્ટર કોણે લગાવ્યાં છે પરંતુ સોશિયલ મીડિયામાં આ પોસ્ટરો ચર્ચાનો વિષય બન્યા છે. access_time 1:59 am IST

  • માંડવીના કરંજ ગામે GIDC વિસ્તારમાં આગ ભભૂકી :વેસ્ટજ યાર્ન ના ગોડાઉનમાં લાગી ભીષણ આગ :રૂ ની સીટ બનાવતી કંપનીમાં લાગી ભીષણ આગ:આગ લાગવા નું કારણ અકબંધ:આગની ઘટનાને લઈ અફડતાફરી: ફાયર ફાઇટરની ટીમ ઘટના સ્થળે પહોંચી. access_time 7:04 pm IST

  • દેશભરમાં આંબેડકર જયંતિને લઇને ઘણા આયોજન કરવામાં આવ્યા હતા. તો બિહારમાં પણ આંબેડકર જયંતિનું ઉજવણી કરવામાં આવી હતી. ઉજવણીના પ્રસંગે મુખ્યમંત્રી નિતીશ કુમારે જણાવ્યું હતું કે, આરક્ષણ ક્યારેય હટશે નહી. ધરતી પર એવી કોઇ શક્તિ નથી જે આરક્ષણ હટાવી શકે.’ access_time 12:41 am IST