Gujarati News

ગુરૂપ્રસાદ ચોકમાં રાત્રીના કાર અને રિક્ષા વચ્ચે અકસ્માત સર્જાતા બંને વાહનોમાં ભારે નુકસાન થયું હતું. અકસ્માતમાં રિક્ષામાં બેઠેલા કૈલાસભાઇ નાનુભાઇ ચૌહાણ (રજપૂત) (ઉ.૪૫-રહે. ગોકુલધામ આર.એમ.સી. કવાર્ટર નં. ૧૭)ને ઇજાઓ થતાં હોસ્પિટલમાં ખસેડાયા હતાં. આ અંગે હોસ્પિટલ ચોકીના સ્ટાફે માલવીયાનગર પોલીસને જાણ કરી હતી. કૈલાસભાઇએ સારવાર લઇ રાત્રે જ રજા લીધી હતી. રાત્રે અકસ્માતને પગલે લોકોના ટોળા ભેગા થઇ ગયા હતાં. અકસ્માતગ્રસ્ત વાહનોની તસ્વીરો સોશિયલ મિડીયામાં વાયરલ થઇ હતી.