Gujarati News

Gujarati News

News of Friday, 15th March 2019

વ્યાજ અને પેનલ્ટી વસુલવા ધવલ મકવાણાએ ધમકી આપતાં રાકેશ પટેલે ફિનાઇલ ગટગટાવ્યું

સાળાના મિત્ર પાસેથી સાબુ-પાવડરના ધંધા માટે ૨II લાખ ૧૦ ટકા વ્યાજેથી લીધા હતાં : નવેમ્બરમાં લીધેલા નાણાનું નિયમીત વ્યાજ ચુકવ્યું: હવે ધંધામાં મંદી આવતાં બળજબરીથી ૩૬૫૦૦ પડાવી ગયોઃ ભકિતનગર પોલીસે ધમકી-મનીલેન્ડ એકટ હેઠળ ગુનો દાખલ કર્યો

રાજકોટ તા. ૧૫: વ્યાજ અને પેનલ્ટીની ઉઘરાણી માટે ધાકધમકી મળતાં અને બળજબરીથી રોકડ પડાવી કોરા ચેક, પ્રોમિસરી નોટમાં સહીઓ કરાવી લઇ વધુને વધુ વ્યાજ માટે ધમકી અપાતાં કોઠારીયા રોડ પર રહેતાં પટેલ યુવાને કંટાળીને ફિનાઇલ પી લેતાં દાખલ કરાયો છે. પોલીસે આ મામલે મનીલેન્ડ એકટ હેઠળ ગુનો નોંધ્યો છે.

બનાવ અંગે ભકિતનગર પોલીસે કોઠારીયા રોડ રાધામીરા હોટેલ પાછળ વિજયનગર-૨માં રહેતાં અને વેનમાં સાબુ પાવડરની ફેરી કરી ગુજરાન ચલાવતાં રાકેશ જીવરાજભાઇ ઢોલરીયા (પટેલ) (ઉ.૨૫)ની ફરિયાદ પરથી ધવલ મકવાણા સામે આઇપીસી ૩૮૬, ૫૦૪, ૫૦૬ (૨), મનીલેન્ડ એકટ ૪૦, ૪૨ મુજબ ગુનો નોંધ્યો છે.

રાકેશે પોલીસને જણાવ્યું હતું કે તે વેન કારમાં ડિટરઝન્ટ સાબુ-પાવડરની ફેરી કરી કરે છે. ધંધામાં નાણાની જરૂર ઉભી થતાં પોતાના સાળા નિકેશ દામજીભાઇ સોલંકીના મિત્ર ધવલ મકવાણા પાસેથી રૂ. ૨,૫૦,૦૦૦ ૧૦ ટકાના વ્યાજે નવેમ્બર-૨૦૧૮માં લીધા હતાં. ત્યારથી તેણે નિયમિત વ્યાજ ભર્યુ છે. પણ હાલમાં થોડા સમયથી ધંધામાં મંદી આવી હોઇ વ્યાજ ચુકવવામાં મોડુ થતાં ધવલે અવાર-નવાર ઘરે આવી વ્યાજના નાણા અને પેનલ્ટી ચુકવવા ધમકી આપવાનું શરૂ કરી રૂ. ૩૬૫૦૦ બળજબરીથી પેનલ્ટી પેટે તા. ૬/૩/૧૯ના રોજવ કઢાવી ગયો હતો. તેમજ કોરા ચેક અને પ્રોમીસરી નોટમાં સહિઓ પણ કરાવી લીધી હતી. આ કારણે પોતે માનસિક અસ્વસ્થ અને બેચેન થઇ ગયો હતો.

ગઇકાલે ગુરૂવારે બપોરે ત્રણેક વાગ્યે પોતે માતા રમાબેન અને પત્નિ પુજાબેન સાથે ઘરે હતો. એ પછી માતા અને પત્નિ ઉપરના રૂમમાં જતાં પોતે નીચેના રૂમમાં એકલો પડતાં ઘરમાં ફિનાઇલ પડી હતી તે પી ગયો હતો. ઉલ્ટી થવા માંડતા પરિવારજનોને જાણ થતાં હોસ્પિટલમાં ખસેડ્યો હતો. ધવલના વ્યાજ અને પેનલ્ટી બાબતના સતત ત્રાસથી ધમકીઓથી કંટાળીને આ પગલું ભરી લીધું હતું. તેમ વધુમાં રાકેશે જણાવતાં તેની આ કેફીયત પરથી પોલીસે ગુનો નોંધ્યો છે. પી.આઇ. વી. કે. ગઢવીની રાહબરીમાં પીએસઆઇ બી. બી. કોડીયાતર, એસ.વી. ડાંગર અને ટીમ વધુ તપાસ કરે છે.

(3:39 pm IST)
  • ઓલ ઇન્ડિયા બાર એક્ઝામીનેશન XIII ( AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http://aibe13.allindiabarexamination.com/result.aspx વેબસાઈટ પર જોઈ શકાય છે access_time 9:50 pm IST

  • અરવલ્લીના ડુંગર ઉપર આગ લાગી : મોડાસાના વાંટડા ગામે ડુંગર પર જાળીઓમાં આગ લાગી : આગને કાબુમાં લેવા પ્રયાસો access_time 6:10 pm IST

  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST