Gujarati News

Gujarati News

News of Friday, 15th March 2019

બેભાન થઇ ગયા બાદ રમેશભાઇ, હસમુખભાઇ અને જીજ્ઞેશભાઇના મોત

મનહરપરા, હુડકો કવાર્ટર અને મારૂતિનગરના પરિવારોમાં શોક

રાજકોટ તા. ૧૫: ભાવનગર રોડ પર મનહરપરામાં રહેતાં રમેશભાઇ ખીમજીભાઇ માંડવીયા(ઉ.૫૨) ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું. થોરાળના એએસઆઇ જે. કે. જાડેજાએ જરૂરી કાર્યવાહી કરી હતી.

બીજા બનાવમાં કોઠારીયા રોડ જુના હુડકો કવાર્ટરમાં રહેતાં હસમુખભાઇ ભગવાનજીભાઇ પંડ્યા (ઉ.૩૮)ને ડાયાબીટીશ સહિતની બિમારીઓ હોઇ ઘરે બેભાન થઇ જતાં સિવિલ હોસ્પિટલમાં ખસેડાયા હતાં. અહિ મોત નિપજ્યું હતું. ભકિતતનગરના એએસઆઇ સુભાષભાઇ ડાંગરે જરૂરી કાર્યવાહી કરી હતી. મૃતક પાંચ ભાઇ અને છ બહેનમાં ચોથા હતાં. બનાવથી પરિવારમાં શોક છવાઇ ગયો હતો.

ત્રીજા બનાવમાં કોઠારીયા રોડ પર માધવ હોલ પાછળ મારૂતિનગર-૬માં રહેતાં જીજ્ઞેશભાઇ મોહનભાઇ સોલંકી (કંસારા) (ઉ.૪૬)ને લોહીની ટકાવારી ઘટી જવાની બિમારી હોઇ તેની દવા ચાલુ હતી. ગત રાત્રે અચાનક તે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ અહિ દમ તોડી દીધો હતો. મૃતક બે ભાઇ અને એક બહેનમાં વચેટ હતાં અને કારખાનુ ધરાવતાં હતાં. સંતાનમાં એક પુત્રી છે. બનાવથી સ્વજનોમાં શોક છવાઇ ગયો હતો. ભકિતનગર પોલીસે કાર્યવાહી કરી હતી.

(3:38 pm IST)
  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST

  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • કોંગ્રેસની સ્ક્રીનીંગ કમીટીની બેઠક હવે ૧૭ માર્ચે મળશેઃ તારીખો ફરી access_time 11:26 am IST