Gujarati News

Gujarati News

News of Friday, 15th March 2019

પાણી ચોરીના ચેકીંગમાં ૧ર૬ કર્મીઓની ફોજ છતાં રોજ માત્ર ૧૦ જેટલા કિસ્સા જ પકડાય છે

છેલ્લા બે દિવસમાં ૧ હજારથી વધુ મકાનો ચેક કર્યાનો તંત્ર દાવોઃ માત્ર ૮ કેસ ઝડપાયા

રાજકોટ, તા., ૧૫: હવે ધીમે ધીમે ગરમીનો પારો ઉંચકાતા શહેરમાં પાણીની જરૂરીયાત વધુ ઉભી થઇ રહી છે. તેની સાથે જ પાણી ચોરીનાં કિસ્સા વધે છે. ત્યારે મ્યુ. કમિશ્નરે પાણી ચોરીનાં કિસ્સા ઝડપી લેવા ૧ર૬ જેટલા અધિકારીઓની ફોજ કામે લગાડી છે. પરંતુ આટલી મોટી ચેકીંગ સ્કવોડ દ્વારા દરરોજ માત્ર ૮ થી ૧૦ જેટલા જ પાણીચોરીનાં કિસ્સાઓ ઝડપવામાં આવતા અનેક વિવિધ ચર્ચાઓએ જોર પકડયું છે.

આ અંગે વોટર વર્કસ વિભાગે સતાવાર જાહેર કરેલા આંકડાઓ મુજબ ગઇકાલે તા.૧૩ અને ૧૪ એમ છેલ્લા બે દિવસમાં ૧ર૦૦ થી ૧૩૦૦ મકાનોમાં પાણીનું ચેકીંગ કર્યાનું અને તેમાંથી માત્ર ૮ થી ૧૦ જેટલા ઇલેકટ્રીક મોટર મુકીને પાણી ચોરીનાં તથા પાણીના બગાડનાં કિસ્સા ઝડપાયાનું નોંધાયું છે. આમ ૧ર૬ અધિકારીઓની ફોજ વચ્ચે દરરોજ માત્ર ૮ થી ૧૦ જેટલા જ પાણીચોરીના કેસ ઝડપાતા ખરેખર ચેકીંગ થાય છે કે કેમ? તેવા સવાલો ઉઠી રહયા છે.

(3:38 pm IST)
  • ઓલ ઇન્ડિયા બાર એક્ઝામીનેશન XIII ( AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http://aibe13.allindiabarexamination.com/result.aspx વેબસાઈટ પર જોઈ શકાય છે access_time 9:50 pm IST

  • ગીતા પટેલને ધાંગ્રધા બેઠક ઉપરથી લડાવોઃ હાર્દિકની કોંગ્રેસ સમક્ષ માંગ : ગીતા પટેલ છે હાર્દિકના સાથી : હાર્દિક પટેલે ગીતા પટેલ માટે કરી ટીકીટની માંગણીઃ ગીતા પટેલ માટે ધાંગ્રધા બેઠક પરથી ટિકીટની માગ access_time 3:57 pm IST

  • કોંગ્રેસે નિરીક્ષકોની નિમણુંક કરી : જામનગરમાં ચંદ્રિકાબેન ચુડાસમા, માણાવદરમાં એમએફ બ્લોચ, ઉંઝામાં અશ્વિન કોટવાલ વગેરેની નિરીક્ષકો તરીકે કોંગ્રેસ દ્વારા નિમણુંક access_time 6:10 pm IST