Gujarati News

Gujarati News

News of Thursday, 15th February 2018

નવાગામ ચાર માળીયામાં લુખ્ખાઓની ગૂંડાગીરીઃ આઠેક વાહનોમાં તોડફોડ

નશાખોર જેવા દસેક શખ્સો રિક્ષાઓમાં રાત્રે બે વાગ્યે આવ્યા અને સાગમટે તમામ રહેવાસીઓને ગાળો ભાંડી તોડફોડ કરી ભાગી ગયા

રાજકોટ તા. ૧૫: લુખ્ખા-આવારા તત્વો ગમે ત્યારે ગમે ત્યાં સીન સપાટા કરી ગૂંડાગીરી કરી જાય છે અને પોલીસને પડકાર ફેંકી જાય છે. ગત મોડી રાત્રે નવાગામ ચાર માળીયા આવાસ યોજના કવાર્ટરમાં રિક્ષામાં આવેલા આઠ-દસ જેટલા નશાખોર જેવા શખ્સોએ સાગમટે તમામ રહેવાસીઓને બેફામ ગાળો ભાંડી હતી અને આઠ-દસ જેટલા વાહનોમાં ધોકા પાઇપ ફટકારી તોડફોડ કરી આતંક મચાવ્યો હતો. આ મામલે રહેવાસીઓએ પોલીસને જાણ કરી છે.

એક રહેવાસીના કહેવા મુજબ કોઇ એક લુખ્ખા શખ્સને કવાર્ટરના કોઇ રહેવાસી સાથે કદાચ માથાકુટ થઇ હશે તેનો ખાર રાખી મોડી રાત્રે બે વાગ્યા આસપાસ દસેક શખ્સો રિક્ષામાં ધોકા-પાઇપ સહિતના હથીયારો સાથે ધસી આવ્યા હતાં અને લાગલગાટ ગમે તેના વાહનોમાં ધોકા-પાઇપ ફટકારી તોડફોડ શરૂ કરી દઇ ભયનો માહોલ સર્જી દીધો હતો.

આ શખ્સો બહાર નીકળો...એવી બૂમો પાડી બેફામ ગાળો બોલતાં રહેવાસીઓ ગભરાઇ ગયા હતાં. ટોળકીએ બોલેરો, બે રિક્ષા, ઇન્ડિકા કાર, ચાર-પાંચ ટુવ્હીલરોને નિશાન બનાવી તોડફોડ કરી હતી. મોટી સંખ્યામાં રહેવાસીઓ ભેગા થઇ જતાં આ શખ્સો ભાગી ગયા હતાં. આ મામલે પોલીસને જાણ કરવામાં આવતાં તપાસ શરૂ થઇ છે. તસ્વીરમાં જેમાં તોડફોડ થઇ તે પૈકીના કેટલાક વાહનો જોઇ શકાય છે. તોડફોડ કરનારા કોણ હતાં? શા માટે આવું કર્યુ? તે અંગે પોલીસે તપાસ હાથ ધરી છે. (ફોટોઃ સંદિપ બગથરીયા)

(4:51 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST

  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST