Gujarati News

Gujarati News

News of Thursday, 15th February 2018

IPLમાં રાજકોટને ડીંગો : એકપણ મેચ ન ફાળવાયો

ગત બે સિઝનમાં ખંઢેરીના મેદાનમાં લાયન્સના તમામ મેચો રમાયા'તા : એક કે બે મેચો મળશે તેવી ક્રિકેટપ્રેમીઓને આશા હતી પણ ઠગારી નિવડી : એસસીએનું ગ્રાઉન્ડ તમામ સુવિધાઓથી સજ્જ છે

રાજકોટ, તા. ૧૫ : આગામી એપ્રિલમાં આઈપીએલ સિઝન-૧૧નો પ્રારંભ થઈ રહ્યો છે ત્યારે મેચોના સ્થળ પણ જાહેર કરી દેવામાં આવ્યા છે ત્યારે આ વખતે રાજકોટના ફાળે એક પણ મેચ આપવામાં આવ્યો નથી. ગત બે સિઝનમાં ગુજરાત લાયન્સના તમામ મેચો રાજકોટના ખંઢેરી સ્ટેડિયમને ફાળવવામાં આવ્યા હતા ત્યારે ચેન્નાઈ અને રાજસ્થાનની ટીમ ફરી આઈપીએલમાં સ્થાન મેળવતા ગુજરાતની ટીમ બહાર ફેંકાઈ જતાં આ વખતે રાજકોટને મેચ ન ફાળવાયુ હોવાનું ક્રિકેટપ્રેમીઓમાં ચર્ચાઈ રહ્યુ છે.

  થોડા સમય પહેલા એવી ચર્ચાએ જોર પડયું હતુ કે રાજકોટમાં રાજસ્થાન રોયલ્સના મેચો રમાનાર છે, પરંતુ ક્રિકેટ પ્રેમીઓની આશા ઠગારી નિવડી હતી. કયા મેચો કે દિવે રમાનાર છે તેની તારીખો પણ જાહેર થઇ ગઇ છે જેથી હવે સ્થળમાં ફેરફાર થવાની શકયતા ખુબ ઓછી  છે.

 દરમિયાન રાજસ્થાન રોયલ્સ અને ચેન્નાઇની ટીમ ઉપર બે વર્ષનો બીસીસીઆઇ દ્વારા પ્રતિબંધ મુકવામાં આવતા ગુજરાત લાયન્સની ટીમ બે સિઝન માટે રમી હતી. જેમા અમદાવાદમાં હાલ સ્ટેડીયમનું રીનોવેશન ચાલુ હોય તમામ મેચો રાજકોટના ખંઢેરીના મેદાનમાં યોજાયા હતા. મર્હદઅંશે ખંઢેરીનું ગ્રાઉન્ડ હાઉસફુલ જોવા મળ્યું હતું 

 જયારે ચેન્નાઇ અને રાજસ્થાન ઉપરનો પ્રતિબંધનો સમય પુરો થઇ જતાં ગુજરાતની ટીમ બહાર ફેંકાઇ ગઇ છે. રાજકોટના ખંઢેરીના મેદાનમાં આ વર્ષે આઇપીએલનો એકપણ મેચ રમાનાર નથી. જેથી ક્રિકેટપ્રેમીઓમાં નિરાશા સાંપડી છે.

(4:36 pm IST)
  • ઇરાની રાષ્ટ્રપતિ હસન રૂહાની આજથી ભારતની ૩ દિવસીય યાત્રા ઉપર બપોરે ૪ વાગ્યે હૈદ્રાબાદ આવી પહોંચ્યા છે. કેન્દ્રીય મંત્રી આર.કે.સિધે તેમનું સ્વાગત કર્યું હતું access_time 4:29 pm IST

  • સાંજે જામનગર નજીક ઢીંચડા ગામમાં બે જૂથ વચ્ચેની અથડામણમાં ખાનગી ફાયરિંગની ઘટના બનવા પામેલ તે અંગે બેડી મરીન પોલીસ ટુકડી તપાસ કરી રહી હોવાનું જાણવા મળે છે access_time 12:42 am IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST