Gujarati News

Gujarati News

News of Thursday, 15th February 2018

કોઠારીયા સોલવન્ટના કારખાનામાં દરોડોઃ બે બોટલ સાથે બે પકડાયા

આજીડેમ પોલીસે વિજય પટેલ અને રમેશ પટેલની ધરપકડ કરી

રાજકોટ તા. ૧૫: કોઠારીયા સોલવન્ટ જય સત્યાય ટેકનો નામના કારખાનામાં આજીડેમ પોલીસે દરોડો પાડી બે પટેલ શખ્સોને રૂ. ૬૦૦ના બે બોટલ દારૂ સાથે પકડી લીધા હતાં.

આજીડેમના પી.આઇ. પી.એન. વાઘેલાની રાહબરીમાં પી.એસ.આઇ. મયુર સોનારા, હેડકોન્સ. એમ. ડી. ઝાલા, મહિપાલસિંહ, જયેશભાઇ, કનકસિંહ, જયદિપસિંહ, શૈલેષભાઇ સહિતનો સ્ટાફ પેટ્રોલીંગમાં હતો ત્યારે માહિતી મળતાં જય સત્યાય ટેકનો નામના કારખાનામાં દરોડો પાડતાં બે બોટલ દારૂ મળતાં કારખાનામાં હાજર વિજય ભુરાભાઇ માંગરોલીયા (ઉ.૪૦-રહે. રામા પાર્કઅ૧૧/૧૨, બાલાજી હોલ પાછળ) તથા રમેશ કેશુભાઇ ડોબરીયા (ઉ.૪૨-રહે. રાજદિપ સોસાયટી-૧, મવડી ચોકડી)ની સામે ગુનો નોંધી ધરપકડ કરવામાં આવી હતી. કારખાનુ વિજયનું છે. બુધવારની રજા હોઇ બંને પાર્ટી કરવા ભેગા થયા હતાં. પણ પોલીસે મજા બગાડી હતી.

(12:38 pm IST)
  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST