Gujarati News

Gujarati News

News of Thursday, 15th February 2018

તારા પ્લોટમાં મારે મકાન બનાવવું છે ખાલી કરી નાંખ...કહી રમેશભાઇ કોળી પર હુમલો

માંડા ડુંગર પાસે પીઠડઆઇ સોસાયટીમાં રણછોડ કોળી, ઠુમર કોળી અને અજાણ્યા શખ્સની લુખ્ખાગીરીઃ ખૂનની ધમકી પણ દીધીઃ આજીડેમ પોલીસે ગુનો દાખલ કર્યો

રાજકોટ તા. ૧૫: આજીડેમથી આગળ માંડા ડુંગર પાછળ પીઠડઆઇ પાર્કમાં રહેતાં રમેશભાઇ નરસીભાઇ કુમરખાણીયા (કોળી) (ઉ.૪૮)નો આઠેક લાખનો પ્લોટ પચાવી પાડવા બાબતે બે કોળી શખ્સો સહિત ત્રણ જણાએ માર મારી પતાવી દેવાની ધમકી આપતાં પોલીસે ગુનો નોંધ્યો છે.

આજીડેમ પોલીસ મથકના હેડકોન્સ. રાજેશભાઇ મેર અને જયંતિભાઇએ રમેશભાઇની ફરિયાદ પરથી પીઠડ આઇ સોસાયટીમાં જ રહેતાં રણછોડ કોળી અને અજાણ્યા શખ્સ તેમજ ઠુમર કોળી સામે ગુનો નોંધ્યો છે. રમેશભાઇ કારખાનામાં કામ કરે છે. તેણે કહ્યું હતું કે તેનો ૧૧૨ વારનો સુચિત પ્લોટ આ સોસાયટીમાં જ આવેલો છે. જેની હાલની કિંમત આઠેકલ લાખ જેવી થાય છે. આ પ્લોટ રણછોડ કોળીને પચાવી પાડવો હોઇ તે ઇરાદાથી ડખ્ખો કરી ગાળો દઇ હુમલો કર્યો હતો. અગાઉ પણ તેણે આ પ્લોટમાં પોતાને મકાન બનાવવું છે તેમ કહી ડખ્ખો કર્યો હતો.

(12:34 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • ધ્યાન દેજો...મોરબી પાસે કચ્છના નાના રણમાં 'કલ્પસર' જેવી જ પાણી સંગ્રહની શકયતા :યોજના અમલી બન્યે સૌરાષ્ટ્ર સોનુ ઉત્પન્ન થશેઃ સેતુબંધ ફાઉન્ડેશન દ્વારા વિજયભાઇ રૂપાણી સમક્ષ રજુઆત access_time 4:11 pm IST

  • દુનિયામાં માત્ર ૫ ટકા મહિલાઓ ગણિત અને નેચરલ સાઈન્સ ક્ષેત્રમાં કામ કરે છેઃ એન્જીનીયરીંગમાં ૮ ટકા અને સ્વાસ્થ્યના ક્ષેત્રમાં ૧૫ ટકા મહિલાઓ access_time 4:11 pm IST