Gujarati News

Gujarati News

News of Wednesday, 14th February 2018

સગીરાનું અપહરણ કરી બળાત્કાર ગુજારનાર રસીક ઉર્ફે દીલી પકડાયો

રાજકોટ, તા. ૧૪ : શહેરના ભકિતનગર વિસ્તારમાં રહેતી સગીરાનું અપહરણ કરી બળાત્કાર ગુજારનાર ધારીના ધારગણી ગામના દેવીપૂજક શખ્સને ભકિતનગર પોલીસે પકડી લીધો છે.

મળતી વિગત મુજબ ભકિતનગર વિસ્તારમાં અગીયાર મહિના પહેલા વેલનાથપરા મામા પીરના મંદિર પાસે રહેતો રસીક ઉર્ફે દીલી હીમતભાઇ દેવીપૂજક નામનો શખ્સ ૧૬ વર્ષની સગીરાને લગ્ન કરવાની લાલચ આપી બદકામ કરવાના ઇરાદે ભગાડી ગયો હતો. આ બનાવ અંગે સગીરાના પિતાએ ભકિતનગર પોલીસ મથકમાં ફરીયાદ નોંધાવતા પોલીસે રસીક ઉર્ફે દીલી વિરૂદ્ધ અપહરણનો ગુનો દાખલ કરી તપાસ આદરી હતી. દરમ્યાન પીઆઇ વી.કે. ગઢવી તથા રાઇટર નિલેષભાઇ સહિતના સ્ટાફે બાતમીના આધારે ગઇકાલે અમરેલીના ધારી તાલુકાના ધારગણી ગામેથી રસીક ઉર્ફે દીલી હીમતભાઇ સોલંકી (ઉ.વ.ર૩)ને પકડી લીધો હતો. તપાસ દરમ્યાન દેવીપૂજક શખ્સે સગીરા ઉપર બળાત્કાર ગુજાર્યો હોવાનું બહાર આવતા પોલીસે બળાત્કારની કલમનો ઉમેરો કરી તપાસ આદરી છે. દેવીપૂજક શખ્સ સગીરાને ભગાડીને મહુવા પાસે રહેતો હતો.

(3:48 pm IST)
  • અમિતભાઈ શાહ આજે અમદાવાદમાં પણ આવે છે : કોર્પોરેટર ગૌતમભાઈ પટેલના પુત્રના લગ્નમાં હાજરી આપશે access_time 4:08 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST