Gujarati News

Gujarati News

News of Wednesday, 14th February 2018

સ્માર્ટ સીટીના ટેન્ડર ઘોંચમાં ગ્રાન્ટ અટકી

સ્માર્ટ સીટી કંપની 'કુલડીમાં ગોળ'માં ગોળ ભાંગી ન શકેઃ પદાધિકારીની કમિટિ જરૂરીઃ રાજકોટ કોર્પોરેશન 'કંપની'ના હિસાબો પદાધિકારીને રજૂ નહી થતાં જબરો વિવાદઃ સ્ટેન્ડીંગ કમિટિમાં અધિકારી સામે સભ્યએ બળાપો કાઢયો

રાજકોટ તા. ૧૩ : મ્યુ. કોર્પોરેશન દ્વારા સ્માર્ટ સીટી મીશન સાકાર કરવા માટે એસ.વી.પી. સ્પેશિયલ પર્પઝ વ્હીકલ (કંપની)ની રચના કરી છે. જેના ચેરમેન મ્યુ. કમિશ્નર હોદ્દાની રૂએ હોય છે અને સ્માર્ટ સીટી માટે જે કંઇ ફંડ આવે તેનો ખર્ચ કરવાની સત્તા પણ આ કંપની પાસે છે. આથી આ કંપ્નીના કરોડો રૂપિયા કયા કેવી રીતે ખર્ચાય છે તેનો હિસાબ પ્રજાના પ્રતિનિધિ એવા કોર્પોરેશનના પદાધિકારીઓને રજૂ થતો નહી હોવાથી આ મુદ્દે જબરો વિવાદ સર્જાયાની અને આ કારણો સબબ સ્માર્ટ સીટીની કરોડો રૂપિયાની ગ્રાન્ટ અટકી ગયાની જબરી ચર્ચા જાગી છે. એટલું જ નહી સ્માર્ટ સીટીના ડી.પી.આર. બનાવવાના ટેન્ડરો પણ આ કારણોસર અટકી ગયાની ચર્ચા છે.

આ અંગે મ્યુ. કોર્પોરેશનના વર્તુળોમાં ચર્ચાતી વિગતો મુજબ સ્માર્ટ સીટી માટે લોકલ બોડીની કમિટિ બનાવવી જરૂરી છે. (સરકારની વેબસાઇટમાં આ નિયમનો ઉલ્લેખ છે.) પરંતુ રાજકોટ કોર્પોરેશને માત્ર કંપનીની રચના કરી છે અને તેમાં ડિરેકટર તરીકે સ્ટેન્ડીંગ કમિટિ ચેરમેનને હોદ્દાની રૂએ લીધા છે.

આમ, પદાધિકારીઓની કોઇ ખાસ કમિટિ નહી રચવામાં આવતા સ્માર્ટ સીટીના નામે 'કુલડીમાં ગોળ' ભાંગી નાંખવામાં આવતો હોવાના આક્ષેપો તંત્ર સામે થઇ રહ્યા છે.

દરમિયાન જાણવા મળ્યા મુજબ તાજેતરમાં સ્ટેન્ડીંગ કમિટિમાં બજેટની ચર્ચા દરમિયાન સ્ટેન્ડીંગના સભ્યએ સ્માર્ટ સીટીનો હવાલો સંભાળતા અધિકારી સામે પણ આ બાબતનો 'બળાપો' કાઢયો હતો અને જણાવ્યું હતું કે, સ્માર્ટ સીટીની જે ગ્રાન્ટ આવી તે કયાં ખર્ચાઇ તેનો હિસાબ પ્રજાને આપવો તે તંત્રની નૈતિક જવાબદારી છે. માટે કંપનીના હીસાબો જાહેર થાય તે જરૂરી છે.

દરમિયાન સ્માર્ટ સીટીની વધારાની ગ્રાન્ટ હજુ સુધી કેન્દ્ર સરકારે જાહેર નહી કરતા તેના ટેન્ડરો પણ અટકી પડયા છે.

આમ, લોકલ બોડીની કમિટિના ટેકનીકલ મુદ્દે આ સમસ્યા સર્જાયાની ચર્ચાએ જોર પકડયું છે.

(9:12 am IST)
  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST

  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST