Gujarati News

Gujarati News

News of Wednesday, 15th January 2020

રાજકોટ બસ સ્ટેશનમાં પીએસઆઈ ચાવડાની રિવોલ્વરમાંથી ગોળી છૂટતા મુસાફર હિમાંશુ ગોહેલનું મોતઃ લોકોના ટોળા ઉમટી પડ્યા

રાજકોટ બસ સ્ટેશનમાં આજે સાંજે પીએસઆઈ પી.પી.ચાવડાની રિવોલ્વરમાંથી ગોળી છૂટતા નિર્દોષ મુસાફર હિમાંશુભાઈ ગોહેલનું મૃત્યુ થયાનું જાણવા મળે છે : લોકોના ટોળા ઉમટી પડ્યા છે : આ લખાય છે ત્યારે ડીસીપી, એસીપી સહિતના પોલીસ કાફલા સાથે સ્થળ ઉપર દોડી ગયા છે : શહેર આખામાં આ બનાવની ભારે ચર્ચા ચાલી રહી છે : હાલ તુરંત એવી વાત બહાર આવી રહી છે કે બસ સ્ટેશન ચોકીમાં પીએસઆઈ પોતાની સર્વિસ રિવોલ્વરનું નવું કવર ચડાવતા હોય તે વખતે અકસ્માતે ગોળી છૂટતા આ કરૂણ ઘટના બની છે : જો કે વધુ વિગતો આ સમગ્ર કેસની તપાસ બાદ બહાર આવશે : મૃતક હિમાંશુભાઈ પાસેથી આધાર કાર્ડ સહિતના ઓળખકાર્ડો મળી આવેલ : જેના પરથી પોલીસે વધુ તપાસ હાથ ધરી છે : ઘટનાની જાણ થતા ૧૦૮ના નિલેશભાઈ સહિતનો સ્ટાફ સ્થળ પર દોડી ગયો હતો.

(6:39 pm IST)
  • દિલ્હીના મુખ્યમંત્રી અરવિંદ કેજરીવાલ નવી દિલ્હી વિધાનસભા મત વિસ્તારમાંથી અને મનીષ સીસોદીયા પ્રતાપગંજ બેઠક પરથી ચૂંટણી લડશે : આપની જાહેરાત access_time 9:00 pm IST

  • કેરલમાંથી બે ત્રાસવાદી ઝડપાયાઃ કર્ણાટકના ગૃહમંત્રી બાસવરાજા બોમાઈએ જાહેર કર્યું છે કે કેરળમાં થી ૨ શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવાઇ રહી છે. access_time 11:51 am IST

  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST