Gujarati News

Gujarati News

News of Wednesday, 15th January 2020

રાજકોટ ઠંડા-ઠંડા... કૂલ... કૂલ... ૮.૪ ડિગ્રી

ઠંડા પવન સાથે ઠારનો અનુભવ : આગામી દિવસોમાં પણ ઠંડીનો દોર જારી રહેશે

રાજકોટ, તા. ૧૫ : ઠંડીએ ફરી માઝા મૂકી છે. સૌરાષ્ટ્ર - કચ્છમાં ફરી ઠંડીનું મોજુ ફરી વળ્યુ છે. ઠંડીનો પારો ૧૦ ડિગ્રી નીચે પટકાયો છે. ફરી એક વખત નલીયા સૌથી ઠંડુ શહેર બન્યુ છે. ૬ ડિગ્રી તાપમાન નોંધાયુ છે ત્યારે રાજકોટ શહેરમાં આજે ૮.૪ ડિગ્રી લઘુતમ તાપમાન નોંધાયેલ છે. આગામી દિવસોમાં પણ ઠંડીનો દોર જારી રહેશે.

હવામાન વિભાગના જણાવ્યા મુજબ ઉત્તર ભારતમાં થઈ રહેલ બરફવર્ષાના પગલે તેના ઠંડા પવનની અસરથી ગુજરાતમાં ફરી ઠંડીનો દોર શરૂ થયો છે. ત્રણેક દિવસ બાદ એક નવા વેસ્ટર્ન ડિસ્ટર્બન્સની અસરથી આગામી દિવસોમાં પણ ઠંડીનો દોર જારી રહેશે.

દરમિયાન રાજકોટ શહેરમાં ગઈકાલે મકરસંક્રાંતિની સંધ્યાએથી જ ફરી કાતિલ ઠંડીનો અહેસાસ થઈ રહ્યો છે. આજે સવારે લઘુતમ તાપમાન ૮.૪ ડિગ્રી નોંધાયુ છે. અસહ્ય ઠાર પ્રવર્તી રહ્યો છે. સાથોસાથ ઠંડા પવન પણ ફૂંકાઈ રહ્યા છે. ઠંડીની અસરથી નાના બાળકોથી માંડી મોટેરાઓ ગરમ વસ્ત્રોમાં જ જોવા મળી રહ્યા છે.

(1:18 pm IST)
  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST

  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST

  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST