Gujarati News

Gujarati News

News of Wednesday, 15th January 2020

ડીસીપી મનોહરસિંહ જાડેજાએ સંક્રાતિએ હોસ્પિટલમાં અને જંકશન રોડ, પોપટપરામાં સેવાકિય કાર્ય કર્યુ

એસીપી પી. કે. દિયોરા, પીઆઇ વી.એસ. વણઝારા અને હોસ્પિટલ ચોકીના રાજુભાઇ ગીડા પણ સામેલ થયાઃ સિવિલ હોસ્પિટલમાં મહાદેવ મંદિરમાં દર્શન પણ કર્યાઃ જરૂરિયાતમંદોને આહાર-બાળકોને પતંગ-દોરાનું વિતરણ

રાજકોટઃ મકર સંક્રાંતિના તહેવાર નિમિતે શહેર પોલીસ કમિશનર મનોજ અગ્રવાલના સેવાકિય ઉમદા વિચારમાંથી પ્રેરણા લઇ ડીસીપી ઝોન-૨ મનોહરસિંહ જાડેજા, એસીપી પી. કે. દિયોરા (પશ્ચિમ) તથા પ્ર.નગર પી.આઇ. વી.એસ. વણઝારા અને હોસ્પિટલ ચોકીના હેડકોન્સ. રાજુભાઇ ગીડાએ સિવિલ હોસ્પિટલના પ્રસુતિ વિભાગમાં ૨૭૦ મહિલાઓને ચોખ્ખા ઘીનો શીરો, તલની લાડુડી, મમરાના લાડુ સહિતના પોૈષ્ટીક આહારનું વિતરણ કરવામાં આવ્યું હતું. આ ઉપરાંત હોસ્પિટલના પટાંગણમાં, પોપટપરા, રેલ્વે સ્ટેશન રોડમાં બાળકો-વૃધ્ધો-જરૂરીયાતમંદોને આહાર તથા બાળકોને પતંગ-દોરાનું વિતરણ કરવામાં આવ્યું હતું. આ કામગીરીમાં આર.એમ.ઓ. ડો. ચાવડા, સિવિલ હોસ્પિટલના સિકયુરીટી ઇન્ચાર્જ રીટા. આરપીઆઇ જાડેજા, તથા તેમના સ્ટાફે સહયોગ આપ્યો હતો. હોસ્પિટલના સ્ટાફે આભારની લાગણી સાથે નાનકડા પ્રયાસને બિરદાવ્યો હતો. સિવિલ હોસ્પિટલમાં જુના વોર્ડ નં. ૧૦ પાસે આવેલા મહાદેવના મંદિરમાં હોસ્પિટલ ચોકીના હેડકોન્સ. રાજુભાઇ ગીડા દ્વારા મોટા દરરોજ  ભાવિકો મોટા પ્રમાણમાં લાભ લે તેવો પ્રયાસ કરવામાં આવે છે. પોલીસ અધિકારીઓ ડીસીપી શ્રી જાડેજા, એસીપી શ્રી દિયોરા અને પીઆઇ શ્રી વણઝારાએ મહાદેવને જલાભિષેક કરી દર્શન પણ કર્યા હતાં.

(1:15 pm IST)
  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST

  • પ્રકાશ જાવડેકરે આપ્યો નારો : દેશ બદલ્યો છે હવે દિલ્હી બદલો : કેન્દ્રીય મંત્રી પ્રકાશ જાવડેકરની ઉપસ્થિતિમાં દિલ્હી પ્રદેશ ભાજપ કાર્યાલયે આમ આદમી પાર્ટીના ડઝનો કાર્યકરો ભાજપમાં જોડાયા : ભાજપનો કેસરિયો ખેસ પહેરીને પાર્ટીનું સભ્યપદ ગ્રહણ કર્યું હતું access_time 12:37 am IST

  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST