Gujarati News

Gujarati News

News of Wednesday, 15th January 2020

શુક્રવારના વન-ડે અંતર્ગત ટ્રાફિક ડાયવર્ટ કરવા માટે પોલીસ કમિશનરનું જાહેરનામુ

જામનગર-ધ્રોલ તરફ જતાં ભારે વાહન ચાલકોએ ખાસ નોંધ લેવી જરૂરી

રાજકોટ તા. ૧૫: પરમ દિવસે શુક્રવારે રાજકોટના પડધરી તાબેના ખંઢેરી ખાતેના ક્રિકેટ સ્ટેડિયમ ખાતે ભારત-ઓસ્ટ્રેલિયા વચ્ચે વન-ડે મેચ રમાવાનો છે અને તેમાં આશરે ૩૦ હજાર જેટલા પ્રેક્ષકો રાજ્યભરમાંથી આવવાની શકયતા હોઇ સ્ટેડિયમ સુધી જવા આવવાના માર્ગો રાજકોટ-જામનગર હાઇવે પર ટ્રાફિક જામ ન થાય કે બીજી મુશ્કેલીઓ ઉભી ન થાય એ માટે થઇને પોલીસ કમિશનર મનોજ અગ્રવાલે ભારે વાહનો માટે જાહેરનામુ બહાર પાડ્યું છે.

આ જાહેરનામા મુજબ ૧૭મીએ સવારના ૧૧ થી ૧૮મીના રાતના બે વાગ્યા સુધી ટ્રાફિક ડાયવર્ટના નિમયોનું પાલન ટ્રક, ટેન્કર, ટેલર સહિતના હેવી વાહનના ચાલકોએ કરવું પડશે. અમદાવાદ-ભાવનગર તરફથી આવતા ભારે વાહનો કે જેને જામનગર તરફ જવું હોઇ તેણે બેડી ચોકડીથી મોરબી રોડ મિતાણા-ટંકારા-નેકનામ થઇ જામનગર, ધ્રોલ જવું પડશે. મોરબી રોડ બેડી ચોકડીથી માધાપર ચોકડી તરફ જઇ શકાશે નહિ, માધાપર ચોકડીથી જામનગર તરફ જઇ શકાશે નહિ.

પોરબંદર, જુનાગઢ તરફથી આવતા ભારે વાહનો ગોંડલ ચોકડીથી આજીડેમ ચોકડી, ગ્રીનલેન્ડ ચોકડી, બેડી ચોકડી, મોરબી રોડ થઇ મિતાણા, ટંકારા, નેકનામ થઇ જામનગર-ધ્રોલ જઇ શકશે. ૧૫૦ રીંગ રોડ પુનિતનગર ટાંકાથી ૮૦ ફુટ રોડ કોસ્મો ચોકડીથી કાલાવડ થઇ જામનગર તરફ જઇ શકાશે. પરંતુ કેકેવી ચોકથી માધાપર ચોકડી તરફ આવી શકશે નહિ.

કાલાવડ તરફથી આવતા ભારે વાહનો કોસ્મો ચોકડીથી પાટીદાર ચોકથી ૮૦ ફુટ રોડથી પુનિત પાણીના ટાકાથી થઇ ગોંડલ રોડ ચોકડી થઇ આજીડેમ ચોકડીથી ગ્રીનલેન્ડ ચોકડી, બેડી ચોકડી, મોરબી રોડ થઇ મિતાણા-ટંકારા-નેકનામ થઇ જામનગર તરફ જઇ શકશે. ૧૫૦ રીંગ રોડથી કેકેવી ચોકથી માધાપર ચોકડી તરફ જઇ શકશે નહિ.

એમ્બ્યુલન્સ, સોૈરાષ્ટ્ર ક્રિકેટ એસોના વાહનો, એસટી બસ, સરકારી વાહનો, શબવાહીની, એમ્બ્યુલન્સ, ફાયર ફાઇટર જેવા વાહનો તેમજ મેચ જોવા જઇ રહેલા લોકોના વાહન ચાલકોને આધારભુત પુરાવો રજૂ કર્યે આ હુકમ લાગુ પડશે નહિ.

(1:16 pm IST)
  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST

  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST

  • કેરલમાંથી બે ત્રાસવાદી ઝડપાયાઃ કર્ણાટકના ગૃહમંત્રી બાસવરાજા બોમાઈએ જાહેર કર્યું છે કે કેરળમાં થી ૨ શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવાઇ રહી છે. access_time 11:51 am IST