Gujarati News

રાજકોટ તા. ૧૫ : રઘુવંશી મૈત્રી મહિલા મંડળ ગાંધીગ્રામ દ્વારા રઘુવંશી બહેનો માટે સૌપ્રથમવાર 'મહિલા રમતોત્સવ'નું આયોજન કરાયુ છે.

આ અંગે બહેનોએ 'અકિલા' ખાતે વિગતો વર્ણવતા જણાવેલ કે તા. ૩ ના રવિવારે બપોરે ૩ થી ૬ અમથીબા સ્કુલ, ગાંધીગ્રામ ખાતે ખાસ બહેનો માટે રમત ગમત ઉત્સવ યોજેલ છે.

જેમાં ૫૦ મીટર દોડ, ત્રિપગી દોડ, લીંબુ ચમચી, સ્ટીક બેલેન્સ, મ્યુઝીક ચેર જેવી રમતો રમાડવામાં આવશે. દરેક રમતના પ્રથમ, દ્વીતીય, તૃતીયને શિલ્ડ તેમજ આકર્ષક ઇનામો અપાશે.

રઘુવંશી મહીલા રમતોત્સવ માટે સંસ્થાના સ્થાપક પ્રમુખ ઇન્દુબેન શીંગાળા, રાજકોટ લોહાણા મહાજનના પ્રમુખ કાશ્મીરાબેન નથવાણી, મંત્રી રીટાબેન જોબનપુત્રા (કોટક) નું માર્ગદર્શન મળી રહ્યુ છે.

સ્પર્ધામાં ભાગ લેવા માટે કમલાબેન ભાગ્યોદય મો.૯૪૨૭૪ ૧૦૦૦૭ અને સોનલબેન જોબનપુત્રા મો.૯૮૭૯૭ ૩૯૫૧૫ ઉપર સંપર્ક કરવા જણાવાયુ છે.

સમગ્ર મહીલા રમતોત્સવની 'અકિલા' ખાતે વિગતો વર્ણવતા મંડળના પ્રમુખ કમલાબેન ભાગ્યોદય, મંત્રી સોનલબેન જોબનપુત્રા, કલ્પનાબેન પોપટ, જાગૃતિબેન માણેક, કરૂણાબેન સોમૈયા, અંજનાબેન હિન્ડોચા, જીજ્ઞાબેન કેશરીયા નજરે પડે છે. (તસ્વીર : સંદીપ બગથરીયા)