Gujarati News

Gujarati News

News of Thursday, 14th June 2018

કોંગ્રેસ પણ મેયર સહિતના પદાધિકારીઓની દરખાસ્ત મૂકશે

મેયર પદે જાગૃતિબેન ડાંગર, ડો. ઉર્વશીબેન પટેલ તથા ડે. મેયર પદે મનસુખ કાલરિયા-ઘનશ્યાસિંહ જાડેજા અને સ્ટેન્ડીંગ કમીટીના સભ્યો તરીકે દિલીપભાઇ આસવાણી, રવજીભાઇ ખીમસુરીયાના નામો ચર્ચામાં

રાજકોટ, તા. ૧૪ : આવતીકાલે મ્યુ. કોર્પોરેશનનું જનરલ બોર્ડ સવારે ૧૧ વાગ્યે યોજાનાર છે. જેમાં મેયર સહિતના પદાધિકારીઓની ચૂંટણી યોજાનાર છે. ત્યારે વિપક્ષ કોંગ્રેસ પણ મેયર સહિતના પદાધિકારીઓના નામોમાં દરખાસ્તો મૂકનાર હોવાનું જાણવા મળ્યું છે.

આ અંગે કોંગી વર્તુળોમાં ચર્ચાતી વિગતો મુજબ કાલે જનરલ બોર્ડમાં મેયર સહિતના પદાધિકારીઓની યોજાશે ત્યારે મેયર, ડે. મેયર અને સ્ટેન્ડીંગના સભ્યોના નામોની દરખાસ્તો કોંગ્રેસ દ્વારા રજૂ થશે.

જેમાં મેયરપદે જાગૃતિબેન ડાંગર તથા ડો. ઉર્વશીબેન પટેલ અને ડે. મેયર પદે મનસુખભાઇ કાલરિયા તથા ઘનશ્યામસિંહ જાડેજા તેમજ સ્ટેન્ડીંગ કમીટીમાં સભ્યપદે દિલીપભાઇ આસવાણી અને રવજીભાઇ ખીમસુરીયા વગેરેના નામો ચર્ચામાં છે.

(4:26 pm IST)
  • રાજસ્થાનમાં સ્થાનિક સ્વરાજની 27 સીટ પરની પેટાચૂંટણીમાં ભાજપ કોંગ્રેસ વચ્ચે કાટે કી ટક્કર : કોંગ્રેસનો 11 બેઠકોમાં કબ્જો ;ભાજપનો 13 સીટમાં વિજય ;એક બેઠક એનસીપી અને બે સીટ પર અપક્ષનો વિજય થયો છે access_time 11:41 pm IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST