Gujarati News

Gujarati News

News of Thursday, 14th June 2018

રાજકોટ યાર્ડમાં મગફળી વિભાગમાં મજુરોની હડતાલ સંદર્ભે કાલે મીટીંગ

આજે ત્રીજા દિવસે પણ હરરાજી ઠપ્પઃ કાલે મજુર આગેવાનો સાથે યાર્ડના પદાધિકારીઓની મીટીંગ

રાજકોટ, તા. ૧૪ :. રાજકોટ (બેડી) માર્કેટયાર્ડમાં મગફળી વિભાગમાં આજે ત્રીજા દિવસે પણ મજુરોની હડતાલ યથાવત રહી હતી. મજુરોની માંગણી સંદર્ભે આવતીકાલે મજુર આગેવાનો સાથે યાર્ડના પદાધિકારીઓ સાથે મીટીંગ યોજાનાર છે.

બેડી યાર્ડમાં મગફળી વિભાગમાં મજુરોએ મજુરીના દરની વધારાની માંગણી કરી હડતાલ પર ઉતરી જતા આજે ત્રીજા દિવસે મગફળીની હરરાજી બંધ રહી હતી. હાલમા મજુરોને ૨૦ કિલો (એક ગુણીએ) પાંચ રૂ. મજુરી અપાઈ છે. મજુરો દ્વારા એક ગુણીએ ૭ રૂ. મજુરીના દર કરવા તેમજ પાલમાં હરરાજી કરવા માંગણી કરી છે. આ અંગે યાર્ડના ચેરમેન ડી.કે. સખીયાનો સંપર્ક સાધતા તેઓએ જણાવ્યુ હતુ કે, હડતાલ સંદર્ભે આવતીકાલે મજુર આગેવાનો સાથે મીટીંગ યોજેલ છે. મગફળીની હરરાજી માટે હાલમાં બે પ્લેટફોર્મ ફાળવાયા છે. જો પાલમાં (ખુલ્લામાં) હરરાજી કરાઈ તો ખેડૂતોની મગફળી વરસાદમાં પલળી જાય તેવી ભીતિ છે. જેથી ખેડૂતોની મગફળી ઉભા પાલમાં જ હરરાજી કરાય છે. બે પ્લેટફોર્મમાં મગફળીનો જથ્થો સમાય તેટલી જ આવક કરાવાય છે. આ મુદ્દે કાલે મજુર આગેવાનો સાથે ચર્ચા બાદ યોગ્ય નિર્ણય લેવામાં આવશે.

(4:27 pm IST)
  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • દિલ્હીના મંત્રી ઇમરાન હુસૈનને જાનથી મારી નાખવાની ભાજપના ધારાસભ્યે ધમકી દીધીઃ પર્યાવરણમંત્રી ઇમરાને ઈંદ્રપ્રસ્થ પોલીસ સ્ટેશનમાં ભાજપના ધારાસભ્ય મનિન્દરસિંહ સિરસા વિરુદ્ધ ફરિયાદ નોંધાવી :સરકારી કામમાં ખલેલ પહોચાડયાનો પણ આક્ષેપ access_time 12:57 am IST

  • મુંબઈમાં ત્રણ દિવસ વાદળાઓ છવાશેઃ હળવો વરસાદ પડશેઃ મુંબઈમાં આજે વાદળછાયા વાતાવરણ વચ્ચે એકાદ બે જગ્યાએ હળવો વરસાદઃ કાલે સાંજે હળવો વરસાદ પડશેઃ મુંબઈવાસીઓને ગરમીમાંથી આંશિક રાહત મળશેઃ શનિવારે વાદળછાયા વાતાવરણ વચ્ચે છાંટાછુટીની સંભાવના access_time 11:30 am IST